وفاقی وزیر نواب زادہ خالد حسین مگسی ءَ مزن وزیر شہباز شریف ءَ گوں گند ءُ نند کتگ ، جھل مگسی گیس فیلڈ پروجیکٹ ءِ بابت ءَ  بریفنگ

اسلام آباد۔21اگست  (اے پی پی):مزن وزیر محمد شہباز شریف ءَ ملک ءِ ذخائر ءِ سبب ءَ درآمد بوتگیں گیس ءِ سر ءَ بڈوئی ءِ کم بوھگ ءِ سبب ءَ درملکی زرّ ءِ بچت ءِ ھلاسی ءِ وھد ءَ گوشت کہ ارزشتی ایں قدرتی وسیلگ اقتصادی جیڈھ آنی گیواری ءَ کلیدی کرد پیلو کن اَنت۔ آئی ءَ اے ھیالانی درشانی وفاقی وزیر سائنس ءُ ٹیکنالوجی نواب زادہ خالد حسین مگسی ءَ گوں گپ ءُ تران کنان ءَ کت آئی ءَ پنچ شمبے ءِ روچ ءَ مزن وزیر گس ءَ آئی ءَ گوں گند ءُ نند کت۔ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ سائنس ءُ ٹیکنالوجی ءِ وفاقی وزیر نواب زادہ خالد حسین مگسی ءَ مزن وزیر ءَ را جھل مگسی گیس فیلڈ پروجیکٹ ءِ ھوالگ ءَ سرپد کت۔ جھل مگسی گیس فیلڈ پروجیکٹ ءَ را راجی گیس سپلائی ءِ تہ ءَ ھوار کنگ ءَ چہ درآمدیں گیس ءِ سر ءَ بڈوئی کم بیت ءُ سالانہ 298ملین ڈالر ءِ بچت بیت۔ آئی ءَ مزن وزیر ءَ را منصوبگ ءِ بنگیج ءِ دعوت دات کہ آئی ءَ من اِت۔ مزن وزیر ءَ گوشت کہ پاکستان ءِ استیں ارزشتی ایں قدرتی وسیلگ ملکی اقتصادی جیڈھ ءِ گیواری ءَ ھاسیں کرد ءَپیلو کُت کن اَنت۔ ملکی ذخائر ءِ سبب ءَ درآمدیں گیس ءِ سر ءَ بڈوئی ءِ تہ ءَ کمی ءِ سبب ءَ درملکی زرّ ءِ بچت ستا کرز اِیت۔ مزن وزیر ءَ گوشت کہ جھل مگسی گیس فیلڈ ءِ راجی گیس ءِ تہ ءَ ھوار کنگ جوانیں گامگیج اِنت۔