پاکستان ءُ چین ءُ چین ءِ نیام ءَ ھاسیں دو نیمگی دمگی ءُ جھان ءِ جیڈھ آنی سر ءَ سرجمیں ھمگرنچی ءُ تپاکی است انت، نائب مزن وزیر ءُ دری کارانی وزیر سینیٹر اسحاق دار ءُ چین ءِ درئی کارانی وزیر وانگ شی ءِ یکجائی پریس بریفنگ

اسلام آباد۔21اگست  (اے پی پی): نائب مزن وزیر ءُ درئی کارانی وزیر سینیٹر اسحاق ڈار ءَ گوشت کہ پاکستان ءُ چین ءِ نیام ءَ ھاسیں دو نیمگی دمگی ءُ جھان ءِ جیڈھ آنی سر ءَ سرجمیں ھمگرنچی ءُ تپاکی است اِنت، مئے مول ءُ مراد دو نیمگی کمک ءَ را گیش دیمروئی دیگ ءُ سی پیک ءَ را آیوکیں پڑ ءَ سر کنگ اِنت، وھدیکہ چین ءِ دری کارانی وزیر وانگ شی ءَ اے گپ ءِ سر ءَ سی پیک ءِ اسٹریٹجک شریک ءِ نام داتگ۔ اولویت سی پیک ءِ مزنیں کوالٹی ءِ دیمروئی اِنت، ششمی اسٹریٹجک گپ ءُ تران ءِ وھد ءَ دوئیں نیمگاں سی پیک ءَ را ”دیمروئی ءِ راہداری، راجی وشھالی ءِ راہداری، سبزیں راہداری ءُ پچیں راہداری“ ءِ تہ ءَ اپ گریڈ کنگ ءِ سر ءَ تپاک کتگ۔ پنچ شمبے ءِ روچ ءَ ادا برجم داشتگیں ششمی اسٹریٹجک گپ ءُ تران ءِ ساھت ءَ چین ءُ پاکستان ءِ اپ گریڈ بوتگیں اقتصادی راہداری ءِ مزنیں کوالٹی ءِ دیمروئی ءِ واستہ وتی بے مٹیں عزم ءِ نوک کت۔ گند ءُ نند ءِ سروکی ءَ نائب مزن وزیر ءُ دری کارانی وزیر سینیٹر محمد اسحاق ڈار ءُ چین ءِ دری کارانی وزیر وانگ ژی ءَ کتگ ۔ دوئیں نیمگ ءَ پاکستان ءُ چین ءِ سیادی ءِ درستیں تک ءُ پھنات چار ءُ تپاسی کنگ بوتگ اَنت ءُ ھاسیں دمگی ءُ جھان ءِ معاملہ آنی سر ءَ گپ ءُ تران کنگ بوتگ ۔ اے موہ ءِ سر ءَ سی پیک ءِ دومی بھر، بیپاری ءُ اقتصادی سیادی، کثیر نیمگی کمک ءُ مردم آنی نیام ءَ رابطہ ءَ ھوار بازیں پڑ آنی سر ءَ سرجمیں رنگ ءَ گپ ءُ تران کنگ بوت۔ چین ءِ دری کارانی وزیر وانگ ژی ءِ گوما یکجائی پریس بریفنگ ءِ تہ ءَ سینیٹر اسحاق ڈار ءَ گوشت کہ دوئیں ملک آنی نیام ءَ مزنیں دو نیمگی، دمگی ءُ جھان ءِ جیڈھ آنی سر ءَ سرجمی ءَ ھمگرنچی ءُ تپاکی است انت۔ آئی ءَ گوشت کہ وانگ ژی ءِ وژن ءَ را وش آتک کنگ بیت، ایشی ءِ تہ ءَ دو نیمگی کمک ءَ را گیش دیمروئی دیگ ءُ سی پیک ءَ را آیوکیں پڑ ءَ سر کنگ ھوار اِنت۔ چینی دری کارانی وزیر ءَ سی پیک ءَ را چین ءُ پاکستان ءِ اسٹریٹجک شریکداری ءِ بُن ھشت لیک اِتگ ءُ گوشت کہ استیں اولی ترجی سی پیک ءِ مزن کوالٹی ءِ دیمروئی اِنت۔ آئی ءَ گوشت کہ ششمی اسٹریٹجک گپ ءُ تران ءِ ساھت ءَ دوئیں نیمگ ءَ سی پیک ءَ را ’’دیمروئی ءِ راہداری، الس ءِ وشھالی ءِ راہداری، سبزیں راہداری ءُ پچیں راہداری‘‘ ءِ تہ ءَ اپ گریڈ کنگ ءِ سر ءَ تپاک کتگ۔ وانگ شی ءَ گوشت کہ ما صنعتی، کشت ءُ کشاری ءُ معدنی شوبگ آنی تہ ءَ کمک ءَ را گیش ءُ گیوار کنگ، پاکستانی الس ءِ وشھالی ءَ را گہتر کنگ، پاکستان ءِ وت مہ وتی دیمروئی ءِ گنجائش ءَ را ترند کنگ ءُ معیشت ءَ را گیش مھکم کنگ ءِ واستہ سک باز محنت کن ایں ۔ آئی ءَ گیش گوشت کہ چین گوادر بندرگاہ ءُ قراقرم ہائی وے ری الائنمنٹ پروجیکٹ ءِ دیمروئی ءُ آپریشن ءِ واستہ ھم کمک کنت۔ ھمے رنگ ءَ آئی ءَ ایم ایل ون (مین لائن ریلوے) منصوبگ ءِ تہ ءَ سیمی مردم آنی بھر زوری ءَ را وش اتک کت۔ اسحاق ڈار ءَ گوشت کہ اے گپ ءُ تران پاکستان چین ءُ اوگانستان ءِ دری کارانی وزیر آنی سئے نیمگی گند ءُ نند ءَ چہ پد بوتگ کہ کابل ءَ بوتگ۔ آئی ءَ گوشت کہ اے میکانزم ایشی ءِ ثبوت انت۔ ما دمگ ءَ امن، مھکم ءُ وشھالی ءِ دیمروئی ءِ ھاترا جزم ایں ءُ پاک چین ءِ دوستی ءِ میوہ آناں دمگ ءُ چہ ایشی ءَ دریں ملک آنی گوما بھر ءُ بانگ کنگ لوٹ ایں ۔ آئی ءَ پاکستان ءِ وت واجہی، سرزمین ءِ یکوئی ءُ راجی شرپ ءِ رکھینگ ءِ واستہ چین ءِ مھکمیں کمک ءِ سر ءَ ھم منت گپت۔ نائب مزن وزیر ءَ گوشت کہ دوئیں نیمگ ءَ کثیر جہتی فورم آنی تہ ءَ ھاسیں رنگ ءَ اقوام متحدہ ءِ سلامتی کونسل ءِ تہ ءَ نزیکیں کمک ءِ برجاہ دارگ ءِ سر ءَ ھم تپاک کنگ بوتگ ایشی ءِ تہ ءَ پاکستان دو سالی مدت ءِ واستہ غیر دائمی باسک ءِ بستار ءَ کار کنگ ءَ اِنت۔ آئی ءَ گوشت کہ ما مزن وزیر شہباز شریف ءِ چین ءِ آیوکیں تر ءُ تاب ءِ تیاری ءِ سر ءَ ھم گپ ءُ تران کتگ، ایشی ءِ تہ ءَ آ شنگھائی کمکی گل ءِ سروکیں دیوان ءَ بھر زوری کنت۔ ایشی ءَ ابید آیوکیں سال ءَ پاکستان ءُ چین ءِ نیام ءَ سفارتی سیادی ءِ جوڑ بوھگ ءِ 75 سالی روچ برجم دارگ بیت، ایشی ءِ درگت ءَ دوئیں ملک آنی نیام ءَ مراگش برجم دارگ ءِ سر ءَ تپاک کنگ بوتگ۔ چین ءِ دری کارانی وزیر وانگ ژی ءَ گوشت کہ چین مزن وزیر شہباز شریف ءَ را ایس سی او ءِ سروک دیوان ءَ گوں دلجمی ءَ وش آتک کنت ءُ آیوکیں سال ءَ دوئیں ملک پاک چین ءِ سروک دیوان ءَ کن اَنت۔ آ یکجائی ءَ سفارتی سیادی ءِ 75می سالروچ ءِ تیاری ءَ کن اَنت۔ ایشاں پاکستان ءَ ھور ءِ سبب ءَ بوتگیں تاوان ءِ سر ءَ اپسوز ءِ درشانی کتگ ءُ زوتیں رنگ ءَ انسانی کمک پجاری ءِ جار جتگ۔ ملک ءَ ناشرکاری ءِ ھوالگ ءَ وانگ شی ءَ پاکستان ءِ بے مٹیں کوشست آناں ساڑاتگ ءُ گوشت کہ چین ءَ را دل یکیمی اِنت کہ پاکستان ءِ گر ءُ دار ءِ کوشست سوبین بنت۔ آئی ءَ گوشت کہ پاکستان چین ءِ شہری ءُ ادارگ آنی جوانیں رنگ ءَ رکھینگ ءَ انت۔ یک جست ءِ پسو ءَ اسحاق ڈار ءَ گوشت کہ پاکستان ءِ دری پالیشی ءِ تہ ءَ ھچ وڑیں بدلی نہ بیت کہ ایشی ءِ بنیات یکجائی اقدار، وت مہ وتی احترام ءُ برابری ءِ بنیات ءَ توامیں ملک آنی گوما دوستی ءِ سیادی ءِ برجائی ءِ سر ءَ اِنت ءُ جھان ءِ امن ءُ ایمنی ءِ واستہ اِنت۔ آئی ءَ گوشت کہ چین پاکستان ءِ دری پالیشی ءِ بُن ھشت اِنت، ما دو نیمگی سیادی ءَ را گیش مھکم کنگ ءِ واستہ جزم آں۔ دگہ جُستے ءِ پسو ءَ وانگ شی ءَ گوشت کہ چین ءِ گوں بھارت ءَ شریکداری ھچ سیمی ملک ءِ ھلاپ نہ اِنت ءُ نہ کہ ایشی ءَ چہ دگہ ملک ءَ را تاوان رسیت۔ چین ءِ دری کارانی وزیر ءَ یک فریم کتگیں عکس ءِ وزیر ءِ درئی کار اسحاق ڈار ءَ را پیش کتگ۔ ، کہ پاکستان ءِ درئی کارانی کارگس ءَ سولرائزیشن منصوبگ ءِ سرجمی ءِ یات ءَ برجم دارگ بوتگ۔ اے موہ ءِ سر ءَ چین ءِ دری کارانی وزارت ءَ دری کارانی کارگس ءِ سولرائزیشن ءِ واستہ پاکستان ءِ دری کارانی وزارت ءَ را 2ملین یوآن ءِ سوگات داتگ۔\932