پاکستان ءُ آذربائیجان ءِ نیام ءَ یکجائی عقائد، دود ءُ ربیدگی سیادی ءُ یکجائی دود ءُ ربیدگ آنی تہ ءَ گہتریں سیادی است انت، دفاع ءِ پیداوار ءِ وفاقی وزیر رضا حیات ہراج ءَ آذربائیجان ءِ سفیر ءَ گوں گپ ءُ تران

راولپنڈی۔21اگست  (اے پی پی):دفاعی پیداوار ءِ وفاقی وزیر محمد رضا حیات ہیراج ءَ گوشت کہ پاکستان ءُ آذربائیجان ءِ نیام ءَ یکجائی عقائد، دود ءُ ربیدگ ءِ سیادی ءُ یکجائی دود ءُ ربیدگ آنی تہ ءَ گہتریں سیادی است انت ءُ آئی ءَ یکے دومی ءِ ادارگ آنی تر ءُ تاب ءِ مکرر تبادلہ ءِ شور ءُ مشور پیش کتگ تانکہ یکے دومی ءِ کمک ءِ نوکیں پڑ آناں پٹ ءُ پول کنگ بہ بیت۔ پنچ شمبے ءِ روچ ءَ وزارت دفاع ءِ پیداوار ءِ نیمگ ءَ جاڑی بوتگیں بیان ءِ رد ءَ وفاقی وزیر دفاع ءِ پیداوار محمد رضا حیات حیاج ءَ گوں آذربائیجان ءِ سفیر خضر فرہادوف ءَ ادا گند ءُ نند کتگ۔ وفاقی وزیر ءَ شرپداریں مہمان ءَ را وش اتک کت ءُ توامیں میاں اوستمانی دیوان آنی تہ ءَ پاکستان ءِ ھوالگ ءَ آذربائیجان حکومت ءِ براتی جذبات آناں ساڑات۔ محمد رضا حیات ہیراج ءَ دوئیں ملک آنی نیام ءَ استیں دفاعی کمک ءَ را ساڑات ءُ ایشی ءَ را گیش پراھی کنگ ءِ واھشت مند کت۔ آئی ءَ اے گپ ءِ سر ءَ زور پر دات کہ پاکستان ءُ آذربائیجان ءِ نیام ءَ یکجائی عقائد، دود ءُ ربیدگی سیادی ءُ یکجائی روایات ءِ تہ ءَ گہتریں سیادی است انت۔ وفاقی وزیر ءَ یکے دومی ءِ ادارگ آنی تر ءُ تاب ءِ مکرر تبادلہ ءِ شور ءُ مشور پیش کتگ تانکہ یکے دومی ءِ کمک ءِ نوکیں پڑ آناں پٹ ءُ پول کنگ بہ بیت۔ ایشی ءَ ابید دفاع ءِ پیداوار ءِ وفاقی وزیر محمد رضا حیات حرج ءَ را بیلجیم ءِ سفیر چارلس آئیڈسبالڈ ءَ ھم گند ءُ نند کتگ۔ وفاقی وزیر ءَ گوشت کہ دوئیں ملک آنی نیام ءَ وھد ءِ گوزگ ءَ گوں سیادی گیش بوھگ ءَ انت، توامیں شوبگ آنی تہ ءَ دو نیمگی سیادی آناں دیمروئی دیگ بوھگ ءَ انت۔ کاروباری شعبہ ءِ تہا مئے کمک ءِ بابت ءَ اے کم کم ءَ گیش بوھگ ءَ انت ءُ ایشی ءِ تہا بازیں رند ءَ گیشی ءِ گمان انت۔ پُرمڈائیں مہمان آں مزن وزیر ءِ شگر ءُ منت گپت کہ آئی ءَ گند ءُ نند ءِ واستہ وھد کش اتگ ءُ پاکستان ءِ حکومت ءِ گوما توامیں شوبگ آنی تہ ءَ کار کنگ ءِ واستہ وتی حکومت ءِ جزم ءِ درشان کت۔ دوئیں سفیر آں دو نیمگی سیادی ءَ را گیش پراھ کنگ ءِ واستہ پاکستان ءِ گوما سرجمیں رنگ ءَ کمک کنگ ءِ کوشست آنی دل یکیمی دات۔