عشرہ رحمت العلامین (ﷺ) ءِ مراگش اولی ءَ بگر داں دوازدھمی ربیع الاول ءَ راجی ءُ صوبائی تک ءَ گوں عقیدت، ازت  ءُ شرپ ءَ برجم دارگ بیت، وفاقی وزیر سردار محمد یوسف

اسلام آباد۔21اگست  (اے پی پی): وفاقی وزیر برائے مذہبی امور ءُ بین المذاہب ہم آہنگی سردار محمد یوسف ءَ گوشت کہ عشرہ رحمت العلامینﷺ ءِ مراگش یکم ءَ بگر داں دوازدھمی ربیعت ءِ روچ ءَ راجی ءُ صوبائی تک ءَ گوں عقیدت، احترام ءُ شرپ ءَ برجم دارگ بیت۔ وزارت مذہبی امور ءِ نیمگ ءَ اے سال ءَ 50می میاں اوستمانی سیرت النبی کانفرنس ءِ برجم دارگ بوھگ ءَ اِنت۔ 1500 سال ءِ پیدائش ءِ تناظر ءَ صوبائی ءُ بنجاہی حکومت ھاسیں مچی آنی وسیلگ ءَ نوکیں نسل ءَ را سیرت نبی ءِ بابت ءَ سرپدی بہ دنت۔ آئی ءَ اے گپ پنچ شمبے ءِ روچ ءَ صوبائی دیوان ءِ سروکی ءَ کنان ءَ گوشت اَنت۔ گند ءُ نند ءَ اوقاف آزاد کشمیر ءِ وزیر حفیظ محمد احمد رضا قادری، پارلیمانی سیکرٹری بلوچستان شہناز عمرانی، وفاقی سیکرٹری مذہبی شمول ڈاکٹر سید عطا الرحمان، ایڈیشنل سیکرٹری ڈاکٹر ساجد محمود چوہان ، آزات کشمیر، گلگت بلتستان ءُ اے دگہ مزنیں افسر ساڑی اتنت۔ وزیر مذہبی امور سردار یوسف ءِ سروکی ءَ دیوان ءَ ھاسیں پیسلہ کنگ بوت۔ دیوان ءَ سرپدی دیگ بوت کہ سیرت مہفل  ﷺ راجی اسمبلی ءُ سینیٹ ءِ قرارداد آنی رژنائی ءَ سرجمیں ملک ءَ برجم دارگ بیت، صوبائی ءُ بنجاھی حکومت ورنائیں نسل ءَ را سیرت النبی سلام الله علیہ وسلم ءِ بابت ءَ سرپد بہ کن اَنت، وزارت مذہبی کار 50 اسلام آباد ءَ کانفرنس ءِ بنگپ ”سیرت النبی علیہ وسلم ءِ رژنائی ءَ سوشل میڈیا ءِ کارآمدیں کارمرد ءِ وانینگ ءُ تربیت ءِ تہ ءَ ریاستی ذمہ واری“ بوتگ۔ وزیر دینی امور سردار محمد یوسف ءَ گوشت کہ عشرہ ءِ برجم دارگ ءِ مول ءُ مراد ورنا آناں  واجہ محمد  صلى الله عليه وسلم ءِ مبارکیں زند ءِ بابت ءَ سرپد کنگ انت۔ عشرہ رحمت عالمین ءِ چیر دستی ءَ سرکاری ءُ نجی اسکول، کالج ءُ یونیورسٹی آنی تہ ءَ پروگرام برجم دارگ بنت۔ انوگیں وانگ ءُ زانگ ءِ ادارہ ءُ دینی مکتب آنی نودربر رسول اللہ صلى الله عليه وسلم ءِ زند ءِ بابت ءَ مشترکہ پروگرام جوڑ بہ کن اَنت ءُ رسول اللہ صلى الله عليه وسلم ءِ زند ءِ بابت ءَ وتی ھیالاں درشان بہ کن اَنت۔ آئی ءَ گوشت کہ مارا یکجائی ءَ رسول اللہ صلى الله عليه وسلم ءِ زند ءِ رژنائی ءَ استیں دور ءِ جیڈھ آنی گیواری کنگی اِنت۔ مارا وانگ ءُ زانگ، معیشت، چاگردی قدر ءُ قیمت ءُ ھاندان ءِ نظام ءَ چہ ھراب بوھگ ءَ رکّینگ لوٹیت۔ دین ءُ دنیا ءِ سوبمندی ءِ ھاتر ءَ رسول اللہ صلى الله عليه وسلم ءِ مثال ءِ رندگیری ءَ چہ ممکن اِنت۔ رسول اللہ صلى الله عليه وسلم ءِ رسالت ءِ مول ءُ مراد انسانیت ءَ را راستیں رہشونی ءِ وسیلہ ءَ رہشونی کنگ اِنت۔ یک راجے ءِ بستار ءَ مئے اجتماعی ذمہ واری اِنت کہ ما رسول اللہ صلى الله عليه وسلم ءِ زند ءِ شنگ ءُ تالان ءَ بہ کنیں ءُ آئی ءِ پیغام ءَ را برجا بہ کنیں۔ مرچیگیں سوشل میڈیا ءِ دور ءَ اسلام ءِ پیغام ءِ شنگ ءُ تالان کنگ آسان بوتگ۔