مزن وزیر شہباز شریف ءَ سیاسی راہشوناں گوں رابطہ کتگ، سرجمیں ملک ءَ بشامی  ھور ءُ سیلاب ءِ جاور ھال ءِ سرا گپ ءُ تران کتگ

اسلام آباد۔21اگست  (اے پی پی):مزن وزیر محمد شہباز شریف ءَ سرجمیں ملک ءَ بشامی ھئور ءُ سیلاب ءِ جاور ھال ءِ ھوالگ ءَ سیاسی سروکاں گوں رابطہ کتگ۔ پنچ شمبے ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر ءَ چیئرمین پاکستان پیپلز پارٹی بلاول بھٹو زرداری ءَ گوں رابطہ کتگ ءُ جنوبی سندھ ءَ ھاسیں رنگ ءَ کراچی ءَ ھئور ، شہری سیلاب ءُ . مزن وزیر ءَ سندھ حکومت ءَ را وفاقی حکومت ءِ نیمگ ءَ چہ ہنگامی جاوراں گوں گر ءُ دار کنگ ءِ واستہ ہر وڑیں کمک ءِ پیشکش کتگ۔ مزن وزیر ءَ چیئرمین این ڈی ایم اے ءَ را ہدایت کت کہ آ سندھ حکومت ءِ گوما سرجمی ءَ رابطہ ءَ بہ بیت، صوبائی آفت ءِ گر ءُ دار اتھارٹی ءَ را ہر وڑیں کمک بہ کنت ءُ بوت کنوکیں ھترہ آنی بابت ءَ الس آناں پیشگی سرپدی بہ دنت۔ دومی نیمگ ءَ مزن وزیر ءَ فون ءِ سر ءَ امیر جماعت اسلامی حافظ نعیم الرحمان ءُ وفاقی وانگ ءُ زانگ ءُ پیشہ وارانہ تربیت ءِ وزیر ڈاکٹر خالد مقبول صدیقی ءَ گوں گپ ءُ تران کت۔ مزن وزیر ءُ جماعت اسلامی ءِ امیر ءِ نیام ءَ خیبر پختونخوا ءَ گوستگیں روچاں ھور ءِ سبب ءَ بوتگیں تاوان ءُ برجاھیں کمکی کار آنی ھوالگ ءَ گپ ءُ تران کنگ بوت۔ مزن وزیر ءَ ھور ءُ ھئور ءِ وھد ءَ ریسکیو ءُ ریلیف ءِ کار آنی تہ ءَ سرگرمیں رنگ ءَ بھر زوری کنگ ءِ واستہ الخدمت فاؤنڈیشن ءِ گامگیج ءَ را ساڑات۔ مزن وزیر ءُ ڈاکٹر خالد مقبول صدیقی ءِ نیام ءَ سندھ ءَ گوستگیں روچاں ہور ءُ سیلاب ءُ متوقع ھور ءِ بوت کنوکیں ھترہ آنی بابت ءَ گپ ءُ تران کنگ بوت۔ مزن وزیر ءَ ھرچ وڑیں ہنگامی جاور ھال ءِ دیم ءَ دارگ ءِ واستہ این ڈی ایم اے ءُ ایندگر وفاقی ادارگ آنی سرجمیں کمک ءِ دل یکیمی دات۔