پاکستان نیزگاری نا چٹفنگ و چاگڑدی چیلنج آتون مون تننگ کن متحدہ عرب امارات تون شریداری نا خواہندار ءِ، چیئرمین سینیٹ سید یوسف رضاگیلانی

اسلام آباد۔ 21 اگست (اے پی پی) چیئرمین سینیٹ سید یوسف رضاگیلانی پارے کہ پاکستان نیزگاری نا چٹفنگ و چاگڑدی چیلنج آتون مون تننگ کن متحدہ عرب امارات تون شریداری نا خواہندار ءِ، پاک۔ جی سی سی فری ٹریڈ ایگریمنٹ آن واپار و زرکاری ٹی وسعت بریک۔ پنچ شنبے نادے آ سینیٹ سیکرٹریٹ آن جاری کروک بیان نا رداٹ چیئرمین سینیٹ سید یوسف رضاگیلانی تون متحدہ عرب امارات نا سفیر سپاروکی اوڑدہی کرے۔ چیئرمین سینیٹ نا سفیر حماد عبید ابراہیم الزعابی نا خذمت آتے خراج تحسین پیش کرے۔ چیئرمین سینیٹ پارے کہ پاکستان و یواے ای نا تعلقداری پنچ دہائی تیا تالان ءُ، یواے ای تون زرگزرانی و اقتصادی تعلقداری تے پین ودفنگ خوانہ، اویواے ای نا سرکڑدہ غاتے خراج تحسین پیش کرے۔ چیئرمین سینیٹ پارے کہ پاکستان نیزگاری نا چٹفنگ و چاگڑدی چیلنج آتیکن یواے ای تون شریداری نا خواہندار ءِ۔ ہڑتوم آ ملک آتا نیام اٹ واپاری تعلقداری تیٹی پدریسہ ودکی ستاکڑزک، ساڑی آ ایم اویوز آ عملدرآمد آن کمکاری  پین سوگو مریک، چیئرمین سینیٹ پارے کہ پاک۔ جی سی سی فری ٹریڈ ایگریمنٹ آن واپار و زرکاری ٹی ودکی بریک۔ 1.8 ملین پاکستانی ہڑتوم آملک آتا نیام اٹ سوگو پول ءِ۔