پاکستان میڈیکل اینڈ ڈینٹل کونسل ءِ کم آن کم انسانی عمل دخل نا حامل جوڑ کرسا پورو وڑاٹ ڈیجیٹل کننگک، بنجائی وزیر جان جوڑی مصطفیٰ کمال

اسلام آباد۔ 21 اگست (اے پی پی) بنجائی وزیر جان جوڑی مصطفیٰ کمال پاکستان میڈیکل اینڈ ڈینٹل کونسل (پی ایم ڈی سی ) ءِ کم آن کم انسانی عمل دخل نا حامل جوڑ کرسا پورو وڑاٹ ڈیجیٹل کننگک۔ دا گام انا مسخت میرٹ، شفافیت و سروس ڈیلیوری ٹی انسانی نیام تمنگ ءِ کم آن کم کننگ ءِ۔ داوخت آ مصطفیٰ کمال پی ایم ڈی سی نا پوسکن آ تیارکروک ایم ڈی کیٹ انا سوالات بینک انا بناءِ ہم کرے۔ بنجائی وزیر جان جوڑی پارے کہ آخبت ایم ڈی کیٹ امتحان نا تیاری تیٹی ہچ ءُ ڈیوالئی اس بایدے مف۔ اویونیورسٹی تے زمواری تننگ، ہرریسہ غا شفافیت و جوابدہی ءِ پک کننگ نا اہمیت آ زور شاغا۔ اوپارے کہ پوسکن آ سوالیہ بینک آن غلطی تے کم کننگ، انصاف پسندی ءِ ودفنگ اٹ کمک رسینگک ۔ نن اسہ ہندن ءُ نظام اسے نا بنداو ءِ تخنگ اُن ہراڑے شفافیت، میرٹ وکارکڑد اولیت مریک۔ اوپارے کہ ادارہ ٹی ہرعمل داسہ ڈیجیٹل مریک، ہراڑآن تینائی گری، تاخیر و کرپشن کون آ ویل آتا خاتمہ ممکن مریک۔ ایم اینڈ ڈی سی نا کمامدارآک ایم ڈی کیٹ امتحان 2025نا بابت جاری تیاری تا بارواٹی حوال ترساپارے کہ ایم ڈی سی نا کڑد اومیتدارآتا رجسٹریشن و ایم ڈی کیٹ نا عمل نا چاروکی فراوان کننگ اسکان محدود ءِ۔ امتحان نا اڈتننگ، پیپر سیٹنگ، ایڈمنسٹریشن، و ایویلیویشن ، پندار السی داخلہ تروک آ یونیورسٹی تا زمواری ءِ وخت اس کہ اومیتدار آتا رجسٹریشن و چاروکی آن بیدس، پی ایم اینڈ ڈی سی آپریشنل باندات آتیٹی مداخلت کپک، کونسل مداخلت مفننگ آن بے کنڈی و میرٹ نا بنداو آ داخلہ غاتے پک کیک۔ اومیتدارآتا آسراتی و رسینگ ءِ پک کننگ کن مچ آملک اٹی 30 آن زیات امتحانی ہند آتا تعین ءِ کننگا۔