ایف آئی اے کوئٹہ ٹی جعلی دستاویزجوڑ کننگ اٹ اوار دوبہ دار ءِ دزگیرکرے

کوئٹہ۔ 21 اگست (اے پی پی) ایف آئی اے کارروائی کرسا جعلی دستاویز جوڑ کننگ اٹ اوار دوبہ دار ءِ دزگیرکرے۔ ترجمان ایف آئی اے نا رداٹ ایف آئی اے بلوچستان زون نا کنڈآن جعلی دستاویز آتیا شناختی کارڈ جوڑ کرفنگ اٹی اوار مافیا نا برخلاف کریک ڈاؤن برجاءِ دا چرجوئی ٹی ایف آئی اے کارروائی کرسا جعلی دستاویز آتا بنداو آ شاری تا شناختی کارڈ جوڑ کرفنگ اٹی اوار دوبہ دار بشیر احمد ءِ نادرا آفس ڈبل روڈ آن دزگیرکرے۔ ترجمان نا رداٹ دوبہ دار ءِ آفس آن پیش تمسا دزگیرکننگا ، دروو جعل سازی اٹ شناختی کارڈ، بے فارم و ڈیتھ سرٹیفکیٹ جوڑکرسا تسکہ دوبہ دار شناختی دستاویز آتا دوئی کننگ کن 30 آن 40 ہزار فی کس وصول کریکہ۔ پٹنگ اٹی دوبہ دار آن جعلی دستاویز آتے دوئی کننگا، دوبہ دار ءِ دزگیرکرسا جاست وپاست نا بناءِ کننگانے۔