طالب علم آک سرکڑدہ ئی ، زمواری و تخلیقی سوچ ءِ تینا کیر و اسہ شونہال آخبت اسے نا ٹہیفنگ اٹ تینا کڑد ءِ ادا کیر، سردار یاسر الیاس

اسلام آباد ۔ 21 اگست (اے پی پی) وزیراعظم نا قومی کوآرڈینیٹر سیل و سوات سردار یاسر الیاس طالب علم آتیا زور شاغانے کہ او سرکڑدہ ئی، زمواری و تخلیقی سوچ ءِ تینا کیر و اسہ روشنا و شونہال آخبت اسے نا ٹہیفنگ اٹ تینا کڑد ءِ ادا کیر۔ داخیال آتا درشانی ءِ او پنچ شنبے نادے آ میٹروپولیٹن انٹرنیشنل یونائیٹڈ کالج (ایم آئی یو سی) لیجنڈز سمٹ 2025اٹی بشخ ہلنگ نا وخت آکرے۔ داوخت آ چندی بشخ آتیٹی سرسہب شخصیت آک تینا سرسہبی تا کِسہ غاتے بنفیر۔ اومصنوعی ذہانت (اے آئی)، جدت طرازی و پاکستان نا روشنا آخبت ءِ مون آتخار۔ اوفتا وژن طالب علم آتیٹی اسہ پوسکن ءُ جوزہ اس ودی کرے ہرافتے یاسر الیاس سرکڑدہ ئی، زمواری و تخلیقی سوچ ءِ تینا کننگ نا ترغیب تس تانکہ او اسہ روشنا و شونہال آخبت اسے نا ٹہیفنگ اٹ تینا کڑد ءِ ادا کننگ کیر۔