بروک آ 24 گھنٹہ ٹی کراچی، حیدرآباد، ٹھٹھہ، بدین، میرپور خاص، سکھر و کیبی علاقہ غاتیٹی بے کچ ترند و شنزہ ئی پِر تا گمان ءِ، این ای او سی

اسلام آباد۔ 20 اگست (اے پی پی) نیشنل ایمرجنسیز آپریشن سینٹر (این ای او سی ) صوبہ سندھ اکن موسمیاتی انتباہ جاری کرساپارینے کہ بروک آ 12 آن 24 گھنٹہ ٹی کراچی ، حیدرآباد ، ٹھٹھہ ، بدین، میر پور خاص، سکھر وکیبی علاقہ غاتیٹی بے کچ ترند و شنزہ ئی پِر تا گمان ءِ، چنکو وخت اسے ٹی 50 آن 100 ملی میٹر آن زیات پِر مننگ کیک۔ این ای او سی آن جاری سرجم حوال آتا رداٹ داوخت آکراچی، حیدرآباد، سکھر ومیرپور خاص اٹی ترند پِر و ہیبدار دِیر انا کشنگ نا سوب آن شاری نوکاپ برقرار سلنگ نا خطرہ ءِ وخت ا س کہ ٹھٹھہ، بدین، جامشورو  دادو نا ضلع غاتیٹی اناگت نوکاپ نا ہم گڑتی ءِ۔ این ای او سی پارے کہ دریائے سندھ و اونا معاون جل تیٹی دیر انا کچ ودنگ آن شیفکو علاقہ غاتیٹی جل دیر نا خطرہ ءِ وخت اس کہ مرکزی شاہراہ و ہندی سڑک آتا دِیر انا مون اٹی بننگ آن ٹریفک نا ہن و بر زہمی مننگ نا گمان ءِ، بجلی و ٹیلی کمیونیکیشن سروسز اٹی تعطل نا وخت ءُ پاس ودنگ کیک۔ ہندی آبادی تے پارت کننگانے کہ نوکاپ نا خطرہ غاتا گواچی علاقہ غاتا ہنکینی نہادی گڑ ا و ساہدار تے رکھ ہند آتیا گدریفر، ہلہلہ ئی گڑا(کن و خور، دِیر، دوائی، فرسٹ ایڈکٹ) تیار تخر، برقی ازباب آتے کاریم اٹ اتنگ نا وخت آ احتیاط کیر و دِیر انا مون اٹی بروک آ سڑک و بجلی نا تنصیب و کھمبہ غاتیان مُر مریر۔