مزن وزیر شہباز شریف ءَ آرمی چیف فیلڈ مارشل سید عاصم منیر ءِ گوما سیلاب ءَ چہ آماچیں ضلع آنی تر ءُ تاب ءِ موہ ءَ گوشت کہ وفاقی حکومت ءُ پاک فوج اے گرانیں وھد ءَ سیلاب ءِ آماچیں مردم آناں ھمک رنگ ءَ کمک پجارینگ ءِ واستہ جزمیگ اِنت

بونیر۔20اگست  (اے پی پی): مزن وزیر محمد شہباز شریف ءَ گوشت کہ وفاقی حکومت ءُ پاک فوج اے گرانیں وھد ءَ سیلاب ءِ آماچیں مردم آناں ھرچ وڑیں کمک ءِ واستہ جزم انت، ءُ آماچیں دمگ آنی تہ ءَ بحالی ءِ عمل ءَ را ترند کنگ ءُ نارمل زندمان ءِ بحال کنگ ءِ واستہ سرجمیں راجی وسیلگ کارمرد کنگ بنت۔ مزن وزیر کارگس ءِ نیمگ ءَ چہ جاڑی بوتگیں بیان ءِ رد ءَ مزن وزیر محمد شہباز شریف ءَ وفاقی وزیر ءُ آرمی چیف فیلڈ مارشل سید عاصم منیر ءِ ھواری ءَ سیلاب ءَ چہ آماچیں ضلع سوات، بنیر، شنگلا ءُ سوابی ءِ تر ءُ تاب کتگ۔ مزن وزیر ءُ آرمی چیف ءَ را خیبر پختونخوا ءَ جاری ریلیف ءُ بحالی ءِ کار آنی بابت ءَ سرجمیں بریفنگ دیگ بوت۔ آیگ ءِ وھد ءَ مزن وزیر ءَ را آرمی چیف فیلڈ مارشل سید عاصم منیر ءَ وش اتک کت۔ مزن وزیر ءَ سیلاب ءِ آماچیں مردم آں گوں گند ءُ نند ءِ ساھت ءَ آھاں دل یکیمی دات کہ وفاقی حکومت ءُ پاک فوج اے گرانیں وھد ءَ آوانی ھمک رنگ ءَ کمک پجارینگ ءِ واستہ جزمیگ انت۔ مزن وزیر ءَ سلاہ بندیں اُرد ءُ سول انتظامیہ ءِ بے مٹیں  واھگ آنی  توسیپ کنان ءَ سیلاب ءَ چہ آماچیں مردم آنی گوما یکجہتی ءِ یک رندے پدا گوشت ءُ ھمک رنگ ءَ کمک ءِ دل یکیمی دات۔ مزن وزیر ءَ گوشت کہ آماچیں دمگ آنی تہ ءَ بحالی ءِ عمل ءَ را ترند کنگ ءُ نارمل زندمان ءَ را بحال کنگ ءِ واستہ راجی وسیلگ آناں کارمرد کنگ بیت۔ مزن وزیر ءَ آپی راہ آنی تہ ءَ ناجائزیں تجاوزات، درچک ءِ کٹگ ءُ ھاسیں رنگ ءَ اشکر ءِ چات آنی تہ ءَ کار کنگ ءُ کرشنگ ءِ  کار آنی سر ءَ دلگوش گور کت کہ اے جانی ءُ مال ءِ تاوان ءِ مستریں سبب اَنت۔ آئی ءَ ہدایت کت کہ ملک ءَ کانود آنی سر ءَ سک باز عمل کنگ بہ بیت کہ اودا کس کانود ءَ چہ بُرز نہ اِنت ءُ بے دروریں ڈیفالٹر آنی ھلاپ ءَ المی گامگیج چست کنگ بہ بنت۔ آرمی چیف ءَ پاک فوج ءِ سپاھیگ ءُ کمکی کار آنی تہ ءَ ھواریں پولیس ءُ سول انتظامیہ ءِ کارندہ آنی گوما گپ ءُ تران کت ءُ سیلاب ءُ ھور ءُ ھور ءِ آماچیں مردم آناں کمک کنگ ءِ واستہ آوانی بے مٹیں دلگوشی ءَ را ساڑات۔ آرمی چیف ءَ ہدایت کت کہ آ اے ذمہ واری ءَ را گوں گیشیں ایمانداری ءَ پیلو بہ کن انت ءُ سیلاب ءَ چہ آماچیں ھاندان آنی مشکلات ءَ را کم کنگ ءِ واستہ ہچ وڑیں سنگ ءُ سنگ ءِ سرا مہ کپ انت۔ شہری آنی جان سلامتی ءُ ریلیف اولی ترجی ءَ بہ بیت۔ آئی ءَ فورسز ءُ سول انتظامیہ ءِ بے مٹیں ازمت آناں ھم ساڑات۔ ایشی ءَ چہ پیسر قدرتی آفت ءَ وتی جان ندر کتگیں مردمانی  آکبت ءِ ھیری ءِ واستہ پاتیہ وانگ  ھم کنگ بوت۔