پاک فضائیہ گلگت بلتستان اٹی بھلو کچ اسے آ فلڈریلیف آپریشن نا بناءِ کرے، آئی ایس پی آر

راولپنڈی۔ 20 اگست (اے پی پی) پاک فضائیہ گلگت بلتستان اٹی بھلو کچ اسے آ فلڈریلیف آپریشن نا بناءِ کرینے۔ مشکل موسمی حالیت و سخت انگا مشی آ علاقہ غاتیٹی بدل مفروک عزم انا درشانی ءِ کرسا ، پاک فضائیہ نا سی 130 جہاز انا کمک اٹ 7 ٹن بارُن راشن، ہڑدے ئی کاریم اٹ اتنگ نا کنوئی و گڑاو زند ءِ بچفوک آ دوائی تے پی اے ایف بیس نورخان آن گلگت کن روانہ کرے۔ چارشنبے نادے آ آئی ایس پی آر آن جاری بیان نارداٹ داکھیپ ءِ مرمر انگا نوکاپ آن زہمی دامان تیٹی نیشنل ڈیزاسٹر مینجمنٹ اتھارٹی تون اواری اٹ بشخنگک ، داہیت ءِ پک کرسا کہ مواصلاتی لین تا خرابی نا سوب آن رابطہ غان کشکوک آ فریشان حال خاہوت آتسکان المی گڑا سرمرے۔ انسانی ہمدردی نا کوشست آتیٹی، 75 اختہ مروک آ بندغ آتے ہم پی اے ایف نا کمکی ٹیم آفت زدہ علاقہ غاتیان کشا۔ داترند رفتار و مربوط کارروائی مچ آملک ہلہلہ ئی کمکی مہم نا بشخ ءِ، ہرا قدرتی آفت آتیٹی جون تا رکھ اکن پاکستان نا سلہہ بند فوج انا پدریسہ عزم ءِ تالان کیک۔ بروک آ دے تیٹی پی اے ایف نا جہاز و ڈغاری ٹیمک پدریسہ کمکی کارروائی تیٹی اختہ سلرہ، خور، دوائی، پناہ گا و طبی امداد نزور تپہ غاتسکان سرکننگک۔ پاک فضائیہ نا وخت آ و سنبرینگوک ورندی گلگت بلتستان اٹی نوکاپ آن زہمی خاہوت آتیکن پوسکن ءُ اومیت اس بش کرینے ہراآزمائشت نا ہرساہت اٹی قوم اتون ہم کوپہ مرساسلنگ نا پاکستان نا سلہہ بند فوج انا بدل مفروک عزم انا درشانی ءِ کرینے۔