اسلام آباد۔ 20 اگست (اے پی پی) وزیراعظم محمد شہباز شریف پائلٹ آفیسر راشد منہاس شہید (نشان ءِ حیدر) ءِ 54 می کزیہ دے آ خراج عقیدت پیش کرساپارینے کہ اونا عظیم قربانی ہمت و فرض اتون لگن نا بڑزکو روایت آتا درشانی ءِ، راشد منہاس نا پن قوم انا تاریخ اٹی مدام وفاداری، حوصلہ و گمر نا نشانی نا وڑاٹ رکھ سلک۔ چارشنبے نادے آ پی ایم آفس …
راشد منہاس نا عظیم قربانی ہمت و فرض اتون لگن نا بڑزکو روایت آتا درشانی ءِ، اونا پن تاریخ اٹی مدام وفاداری، حوصلہ و گمر نا نشانی نا وڑاٹ رکھوک سلک، وزیراعظم محمد شہباز شریف
گیشتریں ھال
اسلام آباد۔ 20 اگست (اے پی پی) وزیراعظم محمد شہباز شریف پائلٹ آفیسر راشد منہاس شہید (نشان ءِ حیدر) ءِ 54 می کزیہ دے آ خراج عقیدت پیش کرساپارینے کہ اونا عظیم قربانی ہمت و فرض اتون لگن نا بڑزکو روایت آتا درشانی ءِ، راشد منہاس نا پن قوم انا تاریخ اٹی مدام وفاداری، حوصلہ و گمر نا نشانی نا وڑاٹ رکھ سلک۔ چارشنبے نادے آ پی ایم آفس نا میڈیا ونگ آن جاری بیان نا رداٹ پائلٹ آفیسر راشد منہاس شہید(نشان ءِ حیدر) نا کزیہ دے آ تینا کلہو اٹی وزیراعظم پارے کہ راشد منہاس نا عظیم قربانی ہمت و فرض اتون لگن نا بڑزکو روایت آتا درشانی ءِ، 1971اٹی اینونادے اوغیرمعمولی عزم انا درشانی ءِ کرسا پاکستان نا وتواجہی نا رکھ اکن شہیدی نا جام ءِ نوش کرے۔ وزیراعظم پارے کہ راشد منہاس نا لاجواب جوزہ، وفاداری و حب الوطنی سلہہ بند فوج و قوم اکن اسہ بے مٹ ءُ ترغیب اسے نا سوب ءِ، اونا بہادری نا داستان ننا قومی ضمیرءِ آجوئی نا قیمت و لمہ وطن نا دفاع کن درکار لازوال حوصلہ نا یات دہانی ءِ۔ اوپارے کہ پاکستان نا سلہہ بند فوج راشد منہاس نا لازوال میرات ءِ شاندار خراج تحسین پیش کیک، اونا پن قوم انا تاریخ اٹی مدام وفاداری ، حوصلہ و گمر نا نشانی نا وڑاٹ رکھوک سلک۔
