امریکی ناظم الامورنیٹلی بیکر   ءَ پٹرولیم ءِ وفاقی وزیر علی پرویز ملک ءَ گوں گند ءُ نند کتگ، تیل، گیس، معدنیات ءِ شوبگ ءَ دو نیمگی کمک ءَ را مھکم کنگ ءِ سر ءَ گپ ءُ تران

اسلام آباد۔20اگست  (اے پی پی):پٹرولیم ءِ وفاقی وزیر علی پرویز ملک ءَ گوں پاکستان ءَ امریکی ناظم الامورنیٹلی بیکر  ءَ گند ءُ نند کت۔ گند ءُ نند ءَ امریکہ ءُ پاکستان ءِ نیام ءَ توان ءِ تہ ءَ ھاسیں رنگ ءَ تیل، گیس ءُ معدنیات ءِ شوبگ ءَ دو نیمگی کمک ءَ را گیش مھکم کنگ ءِ سر ءَ ھیال ریچی کنگ بوت۔ چار شمبے ءِ روچ ءَ وزارت پٹرولیم ءِ نیمگ ءَ جاڑی بوتگیں بیان ءِ رد ءَ وزارت پٹرولیم ءَ برجم داشتگیں گند ءُ نند ءِ ساھت ءَ امریکی ناظم الامورنیٹلی بیکر   ءَ پاکستان ءِ توانائی ءِ صنعت ءَ امریکی سرمایہ کاری ءِ واستہ مزنیں موہ آنی سر ءَ چمشانک دات۔ آئی ءَ گوشت کہ امریکی صدر ڈونلڈ ٹرمپ ءِ وژن ءِ چیر دستی ءَ امریکی کمپنی پاکستان ءِ تیل، گیس ءُ معدنیات ءِ شوبگ ءَ سک باز دلگوش اَنت۔ امریکا پاکستان ءِ گوما کار کنگ ءِ ھاترا دلجم اِنت۔ امریکی سفارتخانہ ءِ وسیلگ ءَ پٹ ءُ پول ءُ پیداوار ءِ شوبگ ءَ امریکی ءُ پاکستانی کمپنی آنی نیام ءَ براہ راست رابطہ جوڑ کنگ ءِ تہ ءَ سرگرمیں کرد پیلو کنگ بیت تانکہ اے شوبگ ءِ سرجمیں گنجائش آناں سرجم کنگ بہ بیت۔ وفاقی وزیر علی پرویز ملک ءَ امریکی سرمایہ کار آنی نیمگ ءَ چہ مھکمیں دلچسپی ءِ وش آتک کتگ۔ آئی ءَ گوشت کہ پاکستان ءِ حکومت آف شور ءُ آن شور تیل ءُ گیس ءِ شوھازگ ءِ بلاک آنی واستہ نیلامی ءِ عمل ءَ را بندات کنگ ءَ انت، اے میاں اوستمانی شریک آنی واستہ مزنیں موہ انت۔ پاکستان ءِ یک مزنیں بے کاریں وسیلگ ءِ بنجاہ اِنت، ھاسیں رنگ ءَ شیل آئل ءُ گیس ءِ تہ ءَ، ءُ اے مئے سرکار ءِ مول ءُ مراد اِنت کہ اے بومی وسیلگاں کارمرد کنگ ءِ لائکیں ذخائر ءَ بدل بہ کنت۔ ما پیسر ءَ چہ امریکی کمپنیانی گوما جوانیں تبادلہ کنگ ءَ ایں ۔ دوئیں کارندہ آں گوستگیں ”ڈائریکٹ لائن“ ویبنار ءِ سوبمندی ءِ توسیپ کت کہ امریکی کمپنی آناں پاکستان ءِ معدنی شوبگ ءِ تہ ءَ موہ آناں گوں ھمگرنچ کنگ ءِ ھاترا برجم دارگ بوتگ ءُ ایشی ءَ را تیل ءُ گیس ءِ شوبگ ءَ آیوکیں کمک ءِ واستہ یک ماڈل ءِ رنگ ءَ پیش داشتگ۔ امریکی چارج ڈی افیئرز ءَ اے گپ ءِ سر ءَ زور پر دات کہ امریکہ ءُ پاکستان ءِ نیام ءَ ناشرکاری ءِ ھلاپ ءَ گپ ءُ تران سوبمندیں رنگ ءَ برجاہ بوتگ ءُ نوں ما اے شریکداری ءَ را اقتصادی پڑ ءَ دیم ءَ برگ لوٹ ایں ۔ دیوان ءَ توانائی ءِ شوبگ ءَ شریکداری ءَ را گیش مھکم کنگ ءُ امریکی ٹیکنالوجی ءُ سرمایہ کاری ءِ وسیلگ ءَ یکے دومی ءِ اقتصادی ءُ توانائی ءِ دیمروئی ءَ را دیم ءَ برگ ءِ عزم ءِ دوبر پدر کنگ بوت۔