راشد منہاس ءَ پاکستان ءِ واستہ ہمت ءُ بے دروریں مہر ءِ راجدپتر جوڑ کتگ، وفاقی وزیر داخلہ محسن نقوی

اسلام آباد۔20اگست  (اے پی پی): وفاقی تہی کارانی وزیر محسن نقوی ءَ پاک فضائیہ ءِ شہید پائلٹ افسر راشد منہاس ءَ را شگر ءُ منت درشان کنان ءَ گوشت کہ راشد منہس بہادری، بے ترسی ءُ راج دوستی ءِ ابدمانیں مثال انت۔ آئی ءَ یک ناقابل فراموشیں قربانی یے دات ءُ دژمن ءِ بد نیتی ھلاس کت۔ چار شمبے ءِ روچ ءَ وتی تہی کارانی وزیر محسن نقوی ءَ وتی کلوہ ءِ تہ ءَ گوشت کہ آسمان آنی شاہین راشد منہاس ءَ پاکستان ءِ واستہ ھمت ءُ بے دروریں مھر ءِ راجدپتر جوڑ کتگ۔ وھدے کہ غداراں بالی گراب ءِ ہائی جیک کنگ ءِ جہد کت گڑا راشد منہاس ءَ وتی جان ءِ پرواہ کنگ ءَ ابید اے سازش ناکام کت۔ آئی ءَ گوشت کہ شھیدیں پائلٹ افسر راشد منہاس ءِ راج دوستی ءِ جزبگ ءِ رژن انگت ءَ مئے دل آناں رُژنا کنت ۔ شھیدیں پائلٹ افسر راشد منہاس ءَ دژمن ءَ را ھاسیں کلوہ دات کہ پاکستان ءِ آزمان ھچبر دژمن ءِ پندلانی آماچ نہ بنت۔ اے مزنیں قربانی ءَ اے گپ ثابت کت کہ حقیقی بہادری ہما انت کہ وتی جان ءَ خط ءِ سرا ایر کنان ءَ وطن ءِ عزت ءَ رکّینیت ءُ راشد منہاس ہمے گپ ءِ زندگیں مثال انت۔ گوستگیں جنگ ءَ ھم پاکستان ءِ بالی اُرد ءِ شاہیناں دژمن ءِ 6 جنگی بالی گراب ءِ ارش ءَ گوں مزنیں شکستے رستگ۔ محسن نقوی ءَ گوشت کہ پاک فضائیہ ءَ جوانیں حکمت عملی ءُ پیشہ وارانہ مہارت ءِ درشان ءَ چہ وتی فضائی برتری برجاہ داشتگ، ایشی ءَ را ھم دگنیا ءَ من اِتگ۔ پاک فضائیہ ءِ ہر شاہین شہیدیں پائلٹ افسر راشد منہاس ءِ وڑیں غیر معمولی جرات ءُ وطن دوستی ءِ بے دروریں جذبہ ءَ گوں پُر اِنت۔ شھیدیں پائلٹ افسر راشد منہاس ءِ وڑ ءَ مارا ھم وتی بے ترس ءُ بے مٹیں شاہینانی سر ءَ پھر اِنت کہ پہ وطن ءِ رکّینگ ءَ مدام ساڑی اَنت۔ راشد منہاس ءِ قربانی یک انچیں چراگے کہ آؤکیں نسلانی ہاترا شوق ءِ شعاع اِنت۔