پاک فضائیہ ءَ گلگت بلتستان ءَ مزنیں کچے ءَ سیلاب ءِ ریلیف آپریشن بندات کتگ آئی ایس پی آر

راولپنڈی۔20اگست  (اے پی پی): پاک فضائیہ ءَ گلگت بلتستان ءَ مزنیں کچے ءَ سیلاب ءِ ریلیف آپریشن بندات کتگ۔ چیلنج موسمی جاور ءُ مشکلیں کوہستانی دمگ ءِ نیام ءَ بے مٹیں جزم ءِ درشان کنان ءَ پاک فضائیہ ءِ سی 130 بالی گراب ءَ پی اے ایف بیس نور خان ءَ چہ 7ٹن ھشکیں راشن، روچ ءِ لوٹ ءُ جان ءِ رکّینگ ءِ دوائی گلگت ءَ سر کتگ۔ چار شمبے ءِ روچ ءَ آئی ایس پی آر ءِ نیمگ ءَ جاڑی بوتگیں بیان ءِ رد ءَ نیشنل ڈیزاسٹر مینجمنٹ اتھارٹی ءِ کمک ءَ دوریں سیلاب ءَ چہ آماچیں وادی آنی تہ ءَ اے کھیپ بھر ءُ بانگ کنگ بیت ایشی ءَ چہ اے گپ ءَ را دل یکیمی کنگ بیت کہ المی ئیں سامان رابطہ ءِ لائن آنی چہ کٹ اتگیں پریشانیں ھاندان آناں سر بہ بنت۔ یک انسانی کمک ءِ کوشست ءِ تہ ءَ پی اے ایف ءِ کمکی ٹیم ءِ نیمگ ءَ چہ آفت ءِ آماچیں دمگ آنی تہ ءَ چہ 75 آماچیں مردم ھم کشگ بوتگ اَنت۔ اے ترند ءُ ھمگرنچیں آپریشن سرجمیں ملک ءَ ایمرجنسی ریلیف مہم ءِ بھر اِنت، ایشی ءِ تہ ءَ پاکستان ءِ سلاہ بندیں اُرد ءِ قدرتی آفت آنی وھد ءَ جان سلامتی ءِ واستہ برجاھیں عزم ءِ سر ءَ چمشانک دیگ بیت۔ آیوکیں روچاں پی اے ایف ءِ بالی گراب ءُ زمینی ٹیم نزوریں مردم آناں وردن ءُ وراک، درمان، پناہ ءُ دوا ءُ درمان ءِ سر کنگ ءَ دیم ءَ برگ ءَ انت۔ پاک فضائیہ ءِ وھد ءُ پاس ءِ سر ءَ ءُ دلجمیں پسو ءَ گلگت بلتستان ءَ سیلاب ءَ چہ آماچیں ھانداناں نوکیں اُمیت داتگ ءُ پاکستان ءِ سلاہ بندیں اُرد ءِ بے مٹیں جزم ءِ پدا پدر کنگ ءَ اِنت کہ آ ھر ساھت ءِ آزمائش ءَ راج ءِ ھمراھی ءَ شانک ءُ شانہ ءَ اوشتات کنت۔