وزیراعظم شہباز شریف نا پاکستان اسٹاک ایکسچینج اٹی ہنڈرڈانڈیکس 1 لکھ 50 ہزار بیسس پوائنٹ آتا تاریخی کچ ءِ عبور کننگ آ است جمی نا درشان

اسلام آباد۔ 19 اگست (اے پی پی) وزیراعظم محمد شہباز شریف پاکستان اسٹاک ایکسچینج اٹی ہنڈرڈ انڈیکس 1 لکھ 50 ہزار بیسس پوائنٹ آتا تاریخی کچ ءِ عبور کننگ آ است جمی نا درشانی ءِ کرسا کاروباری برادری آن حکومتی پالیسی تیا پت کننگ آ منت واری ءِ ہرفینے۔ سےشنبے نادے آ وزیراعظم آفس نا میڈیا ونگ انا کنڈآن جاری بیان نا رداٹ وزیراعظم پارے کہ اللہ نا فضل وکرم اٹ زرگزران نا گچینی نا سوب زرکارو پوریاگر برادری نا پت بحال مس، ملک شونداری نا کنڈآ ہِننگ ءِ ولے پین خواری درکار ءِ۔ وزیراعظم پارے کہ زرگزرانی ٹیم دے و نن خواری اٹ زرگزران ءِ مشکل آتیان کشا، زرکار و پوریاگر برادری مشکل وخت اٹی ہم پاکستان اٹی زرگزرانی سرجزآتے برجاتخار، ہراستاکڑزک۔ اوپارے  کہ ملک اٹی کاروبار نا شونداری و زرکاری ٹی ودکی آن روزگار نا وارخواہی ودی مریک۔