مستین اٹی جعلی ڈگری نا بابت دوبہ خلنگ آن پی آئی اے ءِ نسخان، ملک انا ساکھ زہمی مس، طارق فضل چوہدری

اسلام آباد۔ 19 اگست (اے پی پی) وزیر ءِ پارلیمانی امور ڈاکٹر طارق فضل چوہدری پارینے کہ پی آئی اے نا جہاز آک یورپی ملک آتیکن بحال مسنو، مستین اٹ پائلٹ آتا جعلی ڈگری تا بابت دوبہ خلنگ آن نئے بیرہ پی آئی اے ءِ نسخان رسینگا بلکن ملک انا ساکھ زہمی مس۔ سے شنبے نادے آ سینیٹ نا دیوان اٹی وقفہ سوج آتیٹی سینیٹرز کامران مرتضیٰ و دنیش کمار نا سوج آتا ورندی ءِ ترسا ڈاکٹر طارق فضل چوہدری پارینے کہ مستین اٹی 10 روٹ آتیا پی آئی اے نا سروس جتا مد اکن بند مسنے، دانا بھلا سوب یورپی یونین آف ایوی ایشن سیفٹی ایجنسی نا کنڈآن یورپی ملک آتیکن پی آئی اے نا جہاز آتیا پابندی ئس، تدوک آ دور ءِ حکومت اٹی مسکوہی وزیر ہوابازی نا پائلٹ آتا جعلی ڈگری تا بابت بیان آن نئے بیرہ پی آئی اے ءِ بھاز زیات نسخان مس بلکن جہانی کہول آ ملک انا ساکھ ہم مجروح مس، 200 پائلٹ آتا جعلی ڈگری نا دوبہ خلنگاسس ولے بیرہ 7 یا8 پائلٹ آتا ڈگریک جعلی پیش تمار، داسہ داپابندیک چٹانو ، یورپی ملک آتیکن جہاز آک بناکرینو۔