انسانی اسمگلنگ اٹی اوار اسمگلر و کمک کروک آ ایف آئی اے کارندہ غاتے سزاتننگا، طلال چوہدری

اسلام آباد۔ 19 اگست (اے پی پی) وزیر مملکت داخلہ طلال چوہدری پارینے کہ انسانی اسمگلنگ اٹی اوار انسانی اسمگلر و ایف آئی اے کارندہ غاتے کانود نا مون آاتنگانے۔ سے شنبے نادے آ سینیٹ نا دیوان اٹی وقفہ سوج آتیٹی سینیٹر شہادت اعوان و سینیٹر دنیش کمار نا سوج آتا ورندی ءِ ترسا اوپارے کہ انسانی اسمگلنگ اٹی اوار اسمگلر و اوٹی کمک کروک آ ایف آئی اے کارندہ غاتے سزا تننگانے، پیشن نا ملک آن ہم انسانی اسمگلر آتے وطن آ پدی اتسا کانود نا مون آ اتنگانے، ایف آئی اے کارندہ غاتا برخلاف ادارہ جاتی و فوجداری کارروائی کننگانے، انسانی اسمگلنگ اٹی اوار ایف آئی اے نا 51 کارندہ غاتے ملازمت آن برخاست کننگانے، انسانی اسمگلنگ نا مقدمہ غاتیٹی 63 ملازم پندار ئسر اوفتیان 43 ءِ دزگیرکننگا و 16 عدالت آتیان بری مسر۔