سندھ طاس معاہدہ ءِ اسہ کنڈی وڑاٹ معطل کننگ مفک، پاکستان نا 24 کروڑ الس  کن اسہ ریڈلائن و وجودی خطرہ اسے، سینیٹر محمد اسحاق ڈار

لندن۔ 19 اگست (اے پی پی) نائب وزیراعظم و وزیرخارجہ محمد اسحاق ڈار بھارت نا کنڈآن اسہ کنڈی وڑاٹ سندھ طاس معاہدہ ءِ معطل کننگ نا غیرکانودی کوشست ءِ پاکستان نا 24 کروڑ الس کن اسہ ریڈلائن و وجودی خطرہ اس گوندانے۔ دفترخارجہ نا کنڈآن جاری بیان نا رداٹ لندن اٹی برطانوی پاکستانی وکلاء فورم آن تران کرسا اوداہیت آ زور شاغا کہ 1960ء ٹی ورلڈ بینک انا ثالثی ٹی طے مروک آ دامعاہدہ، ہراپاکستان نا 80 درسد تازہ دِیر انا وسیلہ غاتے کنٹرول کیک و 24 کروڑ بندغ آتا زند انا دارومدار ءِ، ءِ اسہ کنڈی وڑاٹ معطل یا موخر کننگ مفک۔ اودامعاہدہ نا اہمیت ءِ پاکستان نا آبی رکھ وچاگڑدی سوگوی کن المی گوندا۔ بشخ ہلوک آک بھارت نا گام گیج آتے آبی جارحیت، (واٹر وارفیئر) گوندسا بیک زبان مذمت ءِ کریر و برطانیہ نا کہول آ اسہ لیگل ٹاسک فورس اس جوڑ کننگ نا قول کریر۔ دا ٹاسک فورس معاہدہ نا رداٹ پاکستان نا حق انا رکھ و جہانی کانودی و سفارتی مخ تفی دوئی کننگ آ کاریم کیک۔ دادیوان برطانوی پاکستانی وکلاء فورم نا مسٹ میکو اجتماع ئس، داگام پاکستان ہائی کمیشن لندن PakistaninUK@و بیرسٹر امجد ملک نا شریداری اٹ بناکننگانے۔