کامرہ۔ 2 جنوری (اے پی پی) مزن وزیرشاہد خاقان عباسی ءَ نوکیں جوڑ بوتگیں ایوی ایشن سٹی کامرہ ءَ ائیر یونیورسٹی ائیرو سپیس اینڈ ایوی ایشن کیمپس ءِ بُن ھشت ءِ ایر کنان ءَ گوشت کہ ملک ءَ را دیم پہ دیمیں چیلنجز ءَ چہ وت واجئی ءِ دزگیریں ءِ وسیلگ ءَ چہ ساکمی بوت کنت، حکومت ءَ جوانیں نپری ھاٹیگ ءِ دزگیری ءِ واستہ وانگ ءُُ زانگ ءِ شوبگ ءَ گیشاں گیش سرمایہ کاری کتگ۔ ائیر یونیورسٹی ائیرو سپیس اینڈ ایوی ایشن کیمپس ءِ بُن ھشتی مراگش سئے شمبے ءَ ادا برجم دارگ بوت ایشی ءِ تہءَ مزن وزیر شاہد خاقان عباسی ھاسیں مہمان اَت، پاک فضائیہ ءِ سروک ائیر چیف مارشل سہیل امان ھم اے موہ ءِ سرءَ ساڑی اَت،بُنجاھی وزیر ، دیمپانی ءُُ سول اپسرگ آں ابیدجتا جتائیں زانت ءُُ زانشی ادارگ آنی سروک ھم اے مراگش ءَ بھر زوری کنگ ءَ اتنت۔ مزن وزیر ءَ یونیورسٹی ءِ بُن ھشت ایر کت ءُُ دیمدرائی ھم کت۔ اے مبارکیں موہ ءَ آئی ءَ پاک فضائیہ ءِ سروک ءِ گوما ھوار بوت کامرہ ءَ اے جوانیں ادارگ ءِ دیمروئی ءِ ھاترا دُعا کت ایش پاک فضائیہ ءِ راجدپتر ءَ یک جوانیں دیمروئی یے گیشی اِنت۔ مراگش ءَ گشتانک دیان ءَ مزن وزیر ءَ بالی پڑ ءِ کارگاھ ءُُ ٹوھیں وانگ ءُُ زانگی پڑ ءَ پاک فضائیہ ءِ گران بھائیں اِزمت ءُُ پاک فضائیہ ءِ سروک ائیر چیف مارشل سہیل امان ءِ ساپ دلی آناں ساڑاھان ءَ گوشت کہ اے رنگیں کوشست آنی وسیلگ ءَ ما وت واجئی ءِ ٹُل آں سر بوھگ ءَ کامیات باں۔
