راولاکوٹ ۔ 2 جنوری (اے پی پی) آزات کشمیرءِ صدرسردارمسعود خان ءَ پونچھ ڈویژن ءَ ایشیائی دیمروئی بنک ءِ چیر دستی ءَ توامیں جاڑی بوتگیں منصوبگ آناں وھد ءُُ پاس ءِ سرءَ سرجمی ءُُ ساپ ءُُ سلئی ءَ را دل یکیمی کنگ ءِ پنت ءُُ شون کتگ۔ آئی ءَ پنت ءُُ شون کت کہ چیف انجینئر دگ ءَ گوں گند ءُُ نند ءِ ساھت ءَ دات اَنت، گند ءُُ نند ءَ صدر ءِ پونچھ ڈویژن ءَ ایشیائی دیمروئی بنک ءِ چیر دستی ءَ جاڑی بوتگیں توامیں منصوبگ آنی بابت ءَ سرجمیں بریفنگ ھم دات۔ کمشنر پونچھ ڈویژن ءَ وتی ڈویژن ءِ اندر ءَ ایمنی، ایل او سی ءِ استیں جاور ھال، ڈویژن ءَ استیں پونچھ یونیورسٹی ءُُ ایشی ءِ نوکیں پچ بوتگیں کیمپسز آنی بابت ءَ ھم صدر آزات کشمیر ءَ را سرجمی ءَ سرپد کت۔ صدر ءَ راولاکوٹ ءِ سڑک آنی چار ءُُ تپاس کت، اے موہ ءِ سر ءَ آئی ءِ گوما سیادی داروکیں محکمہ آنی اپسرگ ھم ساڑی اتنت۔
