اسلام آباد۔ 31 دسمبر (اے پی پی) مشیر ءِ ھزانگ مفتاح اسماعیل ءَ گوشت کہ پاکستان مسلم لیگ (ن) ءِ حکومت ءَ زرّ آناں بیران نہ کتگ بلکینگ ءَ ملکی دیمروئی ءُُ جوڑیشت ءِ سرءَ ھرچ کتگ، مرچی ملک دیمروئی ءِ کشک ءَ رھادگ بوتگ، 2013ءَ وھد ءِ محمد نواز شریف مزن وزیر ءِ کرشی ءِ سر ءَ نشت گڈا ملکی مارکیٹ 19ہزار ءِ سرءَ بوتگ اَنت ایشاناں ماں ودینتگ ءُُ 54ہزار ءَ تاں بُرتگ ءُُ سر کتگ چیا کہ ما اے ملک ءَ سک باز آسراتی پیداک کتگ، سی پیک کہ یک گیم چینجر اِت ایشرا مسلم لیگ (ن) ءِ حکومت ءَ بندات کتگ وھدیکہ ملک ءَ جاڑیگیں ھاٹیگ ءِ کمیگ ءِ سرجمی ھم ما کتگ ءُُ پیسریگیں مزن وزیر محمد نواز شریف ءِ بندات کتگیں ھاٹیگ ءِ منصوبگ آنی سرجمی ءَ چہ ملک ءَ توان ءِ کمیگ سرجم بوھگ ءَِ نت ءُُ ملک ءَ توان مزنیں کساس ءَ است اِن وھدیکہ گیس ءِ جیڈھ ءِ سرءَ مزنیں کساس ءَ گر ءُُ دار ھم بوتگ۔ اے ھیالانی درشانی آنی ءَ یک شمبے ءِ روچ ءَ پی ٹی وی ءِ یک مراگشے ءِ تہءَ تران کنان ءَ گوشت اَنت۔ آئی ءَ گوشت کہ پیسریگیں مزن وزیر محمد نواز شریف ءِ نااہلی‘‘ ءِ پیسلہ ءَ چہ ملکی جوڑیشت ءُُ دیمروئی ءِ سفر ءِ تہ ءَ اوشت اتکگ بلے ما محمد نواز شریف ءِ پالیشی آنی سرءَ آں ءُُ ملکی دیمروئی ءِ سپر ءَ جاڑی دار آں۔ آئی ءَ گوشت کہ ملک ءَ معاش برجائی ءِ واستہ سیاسی برجائی سک باز المی اِنت، گوستگیں روچ ءَ چہ ملکی مارکیٹ ءَ الکاپی گندگ پیداک اِنت ایش وشیں گپ اِت۔
