اسلام آباد۔ 31 دسمبر (اے پی پی) بُنجاھی وزیر سیفرون لیفٹیننٹ جنرل (ر) عبدالقادر بلوچ ءَ گوشت کہ بُکگ جنوکیں گل ءَ ناں ایوک ءَ پوائنٹ سکورنگ ءِ واستہ ماڈل ٹاؤن واکیہ ءَ را سیاسی جیدھ ءِ جوڑ کتگ۔ گوستگیں روچ ءَ پاکستان ٹیلی ویژن ءَ گوں تران کنان ءَ آئی ءَ سیاسی گل آنی سر ءَ زور پر دات کہ آ وتی زاتی نپ آنی واسہ کانودی جیڈھ آناں سیاسی جیڈھ جوڑ کنگ نہ لوٹ ایت، ھرچی سیاسی جیڈھ اَنت ایشاں سول ءُُ تران ءِ وسیلگ ءَ گیوار کنگ لوٹ ایت۔ آئی ءَ گوشت کہ پاکستان عوامی تحریک ءِ سروک طاہرالقادری ماڈل ٹاؤن واکیہ ءِ سر ءَ جسٹس باقر نجفی ءِ رپوٹ ءِ شنگ ءُُ تالان بوھگ ءِ ودار کنگ ءَ بوتگ آں ایشی ءِ تہ ءَ پنجاپ حکومت ءِ ھلاپ ءَ اِچ سہرا نہ بوتگ ایشی ءَ پد طاہرالقادری ءَ اپوزیشن ءِ توامیں گل آنی آل پارٹیز کانفرنس توار جنگ ءِ جار ءَ جنان ءَ یک نوکیں ڈیڈ لائن ءِ جار جت۔بُنجاھی وزیر ءِ گوشگ ات کہ طاہر القادری ءَ را ا ے جیڈھ ءَ را دگ آنی سر ءِ مٹ ءَ آمید گس ءَ برگ ءِ ضلورت اِنت۔ یک جُست ءِ پسو ءَ آئی ءَ گوشت کہ پاکستان مسلم لیگ (ن) ءِ حکومت ءَ مُدام آمید گس ءِ شرپ کتگ ءُُ ملک ءَ آمید گس ءِ برجائی ءِ ھاترا جُہد ءُُ کوشست ھم کتگ۔
