اسلام آباد۔ 31دسمبر(اے پی پی) حکومت ءَ پیٹرولیم ءِ نیادانی تہا مٹءُ بدلی کتگءُ پیٹرول ءِ نیادءِ تہا 4کلدار 6پیسہ یک لیٹر گیشی ءِ جار جتگ۔ پٹرول ءِ نوکیں نیاد 81.53کلدار یک لیٹر بیت۔ پیٹرولیم ءِ نیادانی تہا مٹءُ بدلی ءِ جار ھزانگءِ صلہ کار مفتاح اسماعیل ءَ شمبےءِ روچءَ پریس کانفرنس ءِ تہا کتگ۔ ھزانگ ءِ صلہ کار ءَ گشتگ کہ ہائی سپیڈ ڈیزل 3کلدار 96پیسہءُ لائٹ ڈیزل 6کلدار 25پیسہ یک لیٹر گران بوتگ وھدے کہ گاس ٹھیل ءِ نیادانی تہا 6کلدار 79پیسہ یک لیٹر گران کنگءِ پیسلہ کنگ بوتگ۔ ہائی اسپیڈ ڈیزل ءِ نوکیں نیاد 89.91یک لیٹر، لائٹ ڈیزل ءِ 58.37کلدار یک لیٹر وھدے کہ گاس ٹھیل ءِ نوکیں نیاد64.32کلدار بیت۔مفتاح اسماعیل ءَ گشتگ کہ پیٹرولیم ءِ سرءَ سیلز ٹیکس ءِ تہا ایچ وڈیں مٹءُ بدلی کنگ نہ بوتگ۔ آئیءَ گشتگ کہ مزن وزیرءَ اوگرا ءِ سفارش ءِ سرءَ نیادانی تہا مٹءُ بدلی ءِ منظوری داتگ۔ مفتاح اسماعیل ءَ گشتگ کہ میاں اوستمانی مارکیٹءِ تہا پیٹرولیم ءِ نیاد گیش بوھگءَ اَنت وھدے کہ پاکستان ءِ تہا بنگلہ دیش، بھارت ءُ ترکی ءَ چہ درساں پیٹرول ءِ نیاد کم اِنت۔
