اسلام آباد۔31دسمبر(اے پی پی ) مزن وزیر ءِ راجی راجدپتر ءُ لبزانکی میراث عرفان صدیقی ءِ ٹی وی ءِ مراگشءِ تہا گپ ءُ تران کنانءَ گشتگ کہ مزنیں اُلسی مینڈیٹ استیں گچین بوتگیں مزن وزیر ءِ یک آمیدگسی پرمان ءَ چہ رخصتی گوستگیں سال ءِ درساں چہ مستریں وئیل اِنت ھپتاد سالاں چہ آؤکیں دود 2017ءَ ھم جاری بوتگ ایشی ءِ سرءَ سک باز اپسوز بوتگ۔ اے گپ آئیءَ پی ٹی وی ءِ مراگش ’’پیش رفت‘‘ ِٗءِ تہا گپ ءُ تران کتگءُ گشتگ۔ آئیءَ گشتگ کہ کمءُ گیش دو درزن مزن وزیر آنانی تہا کسءَ را ھم وتی آئینی مدت سرجم کنگ ءَ نیشتگ۔آئی ءَ گشتگ کہ مزن وزیر ءَ را یک رندے صدارتی پرمان ، دومی رندءَ مارشل لاء ءُ سئمی رندءَ آمیدگسی پیسلہ ءَ چہ عہدگءَ چہ ھلاس کنگ بوتگ۔ آئیءَ گشتگ کہ اے پیسلہ یک کرپشن ، منی لانڈنگ، کارجاھءُ ناجائن مالءُ مڈی ءِ وتی نام ءِ کنگءَ نہ بوتگ بلکیں تنا اے ھاترءَ بوتگ کہ نواز شریفءَ وتی بچ ءِ کمپنی ءَ چہ یک کسانیں ھیالی پگارے نہ زُرتگ۔ عرفان صدیقی ءَ گشتگ کہ اے پیسلہ ءَ چہ تنا نواز شریفءَ را نہ سرجمیں ملکءَ را تاوان رسیتگ۔ نواز شریف ءُ شہباز شریف ءِ انوگیں سعودی عربءِ ترءُ تابءِ ھوالگءَ یک جستے ءِ پسوءَ گشتگ کہ نواز شریفءِ کدءُ بالادءِ دیمءَ کہ آ مردم وتءَ را سک کسان لیک اَنت آ ھرچی گشاں بہ گش اَنت۔ نوا ز شریف سرجمیں مھکمیءِ گوما سیاستءِ میدانءَ اوشتاتگءُ انگت اوشتیت۔ پندسازوک وتی واھشتاناں ھالانی دروشم دیؤک سرپد نہ بنت کہ دلانی تہا جاگہ کنوکیں رھشون نہ جلاوطن بنتءُ نہ نابود۔ بھٹو پاؤ بوھگءَ پد کرن گوازگءَ پد مرچی ھم یک سیاسی راست اِت۔
