اسلام آباد۔ 31دسمبر(اے پی پی) راجی اسمبلی ءِ اسپیکر سردار ایاز صادق ءَ اے اُمیتءِ درشانی کتگ کہ 2018ءِ روچ پاکستان ءِ دیمروئی،لھس مھلوکءِ وشھالی ءُ جمہوریت ءِ مھکمی ءِ وشھالیءِ گوما درکیئت، 2018اے گپءِ گواہ بیت کہ مہ راج دپتر ءِ اے تاک ءَ را لیٹینتگءُ نوکیں وھدءِ جیڑھءُ جنجالاناں گرءُ دار کنگءِ ھاترءَ یک نوکیں جزمے ءِ گوما یک نوکیں سفرے ءَ رھادگ اَنت۔نوکیں سال ءِ بنداتءَ را جءِ نامءَ وتی کلوھءِ تہا اسپیکر ءَ چاگردءِ پدمنتگیں تبکانی دیمروئی ءِ ھاترءَ انوگیں حکومت ءِ شراکتی جمہوریتءِ جزم ءِ درشانی کتگءُ کتگءُ گشتگ کہ پاکستانءِ تہا ناشرکاری ءِ روچ ھساب کنگ بوتگ اَنت ءُ 2018پاکستا ن ءِ دیمروئی ءُ وشھالی ءِ سال بیت ۔ آئیءَ گشتگ کہ ملکءِ دیمپانی ، سلامتی ءُ رکھینگءِ ھاترءَ سلاھ بندیں فوج ءُ کانود نافذ کنوکیں ادارگ آنی ازمت ءُ قربانی آناں دادءُ سلام پیش کتگءُ گشتگ کہ سرجمیں راج شہیدآنی ھاندانانی گوما ھم کوپگ اِنت۔ آئی ءَ گشتگ کہ پاکستانی راج جیڑھءُ جنجالاناں گیشءُ گیوار کنت، آئی ءَ کستءُ کینگءَ ھلاس کنگءُ راجءِ رھشون ءِ ایمان، اتحاد ءُ تنظیمءِ رھبندانی سرءَ عمل کنگءِ ضلورتءِ سرءَ زور پِرداتگ۔
