اسلام آباد۔29دسمبر(اے پی پی) محکمہ موسمیات ءِ گشگءِ ردءَ آؤکیں 24کلاکانی تہا اسلام آبادءُ راولپنڈی ءَ ھوار ملکءِ بازیں دمگاں موسم سرد ءُ ھشک بوھگءِ ، مالاکنڈ ڈویژن ، بُرزی فاٹا ءُ گلگت بلتستان ءَ بازیں ھندءُ دمگاں ھورءِ شنزگ ءُ کوھانی سرءَ برپ گواریءِ امکان اِنت وھدے کہ پنجاپ ءِ بازیں دمگاں ءُ بُرزی سندھ ءَ شپءُ سھب ءِ وھداں مُج بوھگءِ اُمیت اِنت۔ درسا ں چہ کم درجہ حرارت گوپس ، کالام ءَ منفی 4، دیر ، پارہ چنار ءَ منفی 3، سکردو ، کوئٹہ ءُ استوار ءَ 2ڈگری سینٹی گریڈ ریکارڈ کنگ بوتگ۔ محکمہ موسمیات ءِ گشگ اِنت کہ آؤکیں 4روچانی تہا اسلام آباد ءَ ھوار ملکءِ بازیں دمگاں ھورءِ امکان نہ انت بلے پوٹھوہار ریجن ، پنجاپ ءِ رودراَتکی ءُ بُرزی سندھ ءِ دمگاں سھبءِ وھداں نود شنزگءِ امکان اِنت۔
