کوئٹہ29دسمبر اے پی پی )مذہبی کارآنی بنجاہی وزیر سردار محمد یوسف ءَ جمعہ ءَ حاجی کیمپ کوئٹہ ءِ تروتاب کتگ ءُُ بلوچستان ءِ حاجی ءَ را داتگیں آسراتی ءِ جائزگ گپتگ۔اے درگت ءَ محکمہ حج ءُُ اوقاف ءِ واکدار ءَ بنجاہی وزیر ءَ را سرجمیں بریفنگ دات ءُُ جیڈھ ءَ چہ سرپد کتگ۔بنجاہی وزیر ءَ کڈن داتگ کہ حاجی کیمپ کوئٹہ ءِ تہ حاجی آنی راھدربری ءُُ کمک ءِ ھاترا یکجاھیں بندءُُ بست کنگ بنت تنکہ کجاھم بھر ءَ حاجی ءَ را جنجال دیم ءَ نہ بنت۔بنجاہی وزیر سردار محمد یوسف ءَ گوشت کہ وزارت حج ءَ حاجی آنی راھنمائی ءُُ کمک ءِ ھاترا میاں اوستمانی تبک ءِ گام چست کتگ انتءُُ گوستگیں وھد ءِ مقابلہ ءَ سعودی عرب ءِ نندوکی معاملہ آنی ھوار تیوگیں بندءُُ بست یک شریں وڈ ءَ پیلو کنگ بنت آئی ءَ چہ حاجی آنی جنجال ھلاس بنت۔
