راولپنڈی۔ 28 دسمبر (اے پی پی ) پاک فوج ئِ شوبگ (آئی ایس پی آر) ئِ ڈائریکٹر جنرل میجر جنرل آصف غفور ئَ گوشت کہ کلبھوشنئِ کہول ئِ گوما گند ئُُ نند ئِ ھاترا اِچ زور نیست ات،اے گند ئُُ نند ئِ اجازت انسانی ہمدردی ئِ بنیات ئِ سرا دیگ بوتگ،کلبھوشن ئِ رحم ئِ دزبندی آرمی چیف ئِ کِر ئَ انت۔گند ئُُ نند ئِ دزبندی ئِ پیسلہ ئِ سرا اِچ اثر نہ بیت ‘پاکستانئَ حقانی نیٹ ورک ئِ ھوار دراھیں گروپانی ھلاپ ئَ فرق ئِ ابیدکارروائی کتگ انت، امریکا ئُُ اوگان واکدار مئے کمک ئَ چہ سرپد انت ئُُ ھقانی نیٹ ورک ئِ ھلاپ کارروائی نہ کنگ ئِ امریکی گپ راست نیست انت‘پاکستان ئِ اُرد گوں سنگتاں ھواری ئَ کار کنگ انتئُُ دیم تر ئَ ھم کنگ ئِ وھشت مند انت بلے عزت ئِ سرا سمجھوتہ کنگ نہ بیت،مہ اِچ وڈیں لٹ ئُُ مڑ نہ لوٹگ انت،ما سنگتاں گوں جیڈھ کنگ نہ لوٹگ انت۔پاکستان ئِ رکھگ یقینی جوڈ کنگ بیت۔گوزوکیں سال ئَ 7مستریں ناشرکار نیٹ ورک پروشتگ انت ئُُ وت کش اُرش کنوکیں مردم دزگیر کتگ انت ایشانی تہ لہتیں اوگانی وت کش اُرش کنوک ھوار انت مچ ئِ وڈئَ 483 ناشرکاری منصوبگ بے سوب بوتگ انت۔آں پنچ شمبے ئَ آئی ایس پی آر ئِ تہ ملک ئِ یکجاھیں دیمپانی جاورھال ،آپریشن ردالفسادئُُ رودرتکی ئُُ روبرتکی سیمسر ئِ سرا سیکیورٹی جاورھال ئِ ھوالہ ئَ گوں میڈیا ئَ را بریفنگ دیگ اتنت۔
