کوئٹہ ۔ 28 دسمبر (اے پی پی) بنجاہی تہی کارانی وزیر پروفیسر احسن اقبال ئَ گوشت کہ پاکستانی شہری ئَ را پاسپورٹ ئِ جوڈ کنائنگ ئِ ھاترنوکیں آسراتی دیما آرگ بوھگ انت۔ کوئٹہ ئِ تہ میاں اوستمانی تبک ئِ پاسپورٹ ایگزیکٹو آفس اڈ دیگ بوتگ ایشی ئَ ہر روچ 160پاسپورٹ جوڈ کنگ بنت اے کارگس ئَ جنین آنی ھاترا جتاھیں کاونٹر جوڈ کنگ بوتگ۔اے جدید آسراتی ئَ گوں ہمگرنچ ایگزیکٹو آفس ئِ اڈ بوھگ ئَ چہ اُلس ئَ را کلاک آنی انتظار ئِ جنجال ئَ چہ آزاتی رسیت۔اے ھیالانی درشان آہاں پنچ شمبے ئَ کوئٹہ ئِ تہ پاسپورٹ ایگزیکٹو آفس ئِ بنداتی مراگش ئَ گوں تران کنان ئَ گوشتگ انت۔بنجاہی تہی کارآنی وزیر احسن اقبال ئَ گوشت کہ مروچی معاشی دیمروئی ئِ مقابلہ ئِ وھد انت۔ بھارت ئِ گوما مئے معاشی مقابلہ انت ،معیشت سوگو بیت تو ملک دیمروئی کنت۔آہاں گوشت کہ ملکی معیشت ئَ را مھکم کنگ ئِ ھاترا جمہوری عمل ئَ را سوگو کنگ الم انت۔معیشت ئِ ھاترا سیاسی مھکمی آکسیجن ئِ وڈ ئَ انت،تہی لٹ ئُُ کُٹ ئُُ پاد آنی کشگ ئِ عمل ملکانی دیمروئی ئِ تہ اڑاند ئِ سبب انت۔پاکستان ئَ دیم جیڈھئَ چہ درآھگ ئِ ھاترا تیوگیں اُلس ئَ را یکجہتی ئِ درشان کنگ بیت۔بنجاہی تہی وزیر ئَ گوشت کہ ما طاہر القادری ئَ را ھم دعوت دیگ انت کہ آں 30دسمبر ئَ آل پارٹیز کانفرنس ئِ تہ ننداک ئِ ابید پاکستان ئِ گھبودی ئُُ دیمروئی ئِ پلاننگ ئَ کن انت ئُُ یکجہتی ئَ گوں تیوگیں اُلس میاں اوستمانی دھمکی ئِ دیما سیسہ ئِ دیوال جوڈ بنت ئُُ وت مہ وتی یکوئی ئَ گوں آہاں را پسو ئَ دنت۔آہاں گوشت کہ پاکستان ئِ دژمن ماتیں وطن ئَ را کمزور کنگ لوٹگ انت،ننداک ئُُ انتشار ئِ سیاست ڈنی ایجنڈہ ئَ را تاگت ئِ سبب بیت۔
