اسلام آباد۔27دسمبر(اے پی پی) مزن وزیر شاہد خاقان عباسی ءَ ہزارہ موٹروے ءِ برہان ءَ چہ شاہ مقصود سیکشن ءِ بُنگیج کتگ۔ 47کلومیٹر دراج اے منصوبہ چین۔پاکستان اقتصادی راہداری ءِ ھاسیں بھر اِت۔ صوبہ خیبر پختونخوا ءَ ایم ون ءِ سرجمیءَ پد موٹروے ءِ جوڈ کنگءِ اے دومی منصوبہ اِنت کہ ایشی ءَ را سوبمندیءَ گوں سرجم کنگ بوتگ ۔ شش رویہ ہزارہ موٹروے (برہان۔حویلیاں ) ءِ دراجی کمءُ گیش57کلومیٹر اِنت ءُ اے سئے پیکج ءَ سرءَ بھر اِنت۔ اولی پیکج برہان ءَ چہ جھاری ءَ 20.40کلومیٹر ، دومی بھر پیکج جھاری کس ءَ چہ سرائے صالح 19.20کلومیٹر وھدے کہ سئمی سیکشن سرائے صالح ءَ چہ حویلیاں 17.10کلومیٹر دراج اِنت۔ موٹروے ءِ سرءَ 30پل ءُ فلائی اوورز، 31انڈرپاسزءُ 157باکس کلورٹس جوڈ کنگ بوتگ اَنت۔ موٹروے ءِ اے بھر ءَ را سئے سال ءَ چہ کم مدتءِ تہا سرجم کنگ بوتگ۔ ہزارہ موٹروے ءِ جوڈ بوھگءَ چہ حطار انڈسٹریل ایریا، ہری پور، حویلیاں، ایبٹ آباد ءُ شمالی علاقہ جات ءِ کمءُ گیش60لکھ ءِ آباتی ءَ را پاھدگ سربیت۔ ہزارہ موٹروے ءِ سرءَ ھمک روچ28500گاڑی سفر کت کن اَنت ءُ سفری وھد ءُ پاسءِ تہا کمی بیت۔ ہزارہ موٹروے ءِ جوڈ بوھگ اے دمگ ءِ اُلس ءِ دیریگیں لوٹے بوتگ کہ اے پیلو کنگ بوتگ۔
