اسلام آباد۔ 27دسمبر(اے پی پی) پاکستانءَ ناشرکار ءُ جاسوس کمانڈر کلبھوشن یادیو، کہ آئی ءَ وتی جرم من اِتگ اَنت، آئی ءِ لوگی ءُ ماتءِ ترءُ تان ءِ 24کلاکاں پد جتگیں بے بنیں بھارتی بھتان نہ من اِتگ اَنت ۔ دری کارانی کارگسءِ نیمگ ءَ چہ جاری کتگیں بیانءِ تہا گشگ بوتگ کہ مہ لبزانی بے بزانتیں جنگ کنگ نہ لوٹ اَنت۔ مئے ساپءُ سلائی ءُ مزن دلی اے بھتاناں ایر جن اَنت۔ بیانءِ تہا گشگ بوتگ کہ اگاں بھارتی تکانسری وتی جاھءَ راست بوتین اَنت گڈا مہمان یا بھارتی ڈپٹی ہائی کمشنر آھاں ترءُ تابءِ وھدءَ ھال درءِ دیمءَ چست بہ کُت اِنت انچو کہ بھارتءَ دزبندی کتگ بوتگ۔ دری کارانی کارگس ءَ گشتگ کہ راست اِیش انت کہ کمانڈر یادیو ءِ مات ءَ انسانی ھمدردی ءِ جزبگ ءَ پاکستانءِ درسینانی دیمءَ شگرءُ منت گپتگ اے چیزءَ را ھال درءَ ھم ریکارڈ کتگ۔ گیش گشگءِ ضلورت نہ اِنت۔
