حسن ابدال۔ 27 دسمبر (اے پی پی) مزن وزیر شاہد خاقان عباسی ءَ گوشت کہ ملک جوانیں جمہوریت ءِ گوما دیمروئی ءِ کشک ءَ روادگ اِنت، الکاپیں وانگ ءُُ زانگ ءِ دیمروئی ءَ چہ پاکستان ءِ ھمک زندمان ءِ شوبگ ءَ گیش دیمروئی بیت، کیڈٹ کالج حسن ابدال ناں ایوک ءَ جوانیں وانگ ءُُ زانگ بلکینگ ءَ ٹوھیں روایت ءُُ برزءُُ بالائیں وانگ ءُُ زانگ ءِ شوبگ اِت ایش جتا جتائیں زندمانی ءِ شوبگ ءَ آیوکیں باھند پیداک کنگ ءَ انت۔ آ چار شمبے ءِ روچ ءَ ادا کیڈٹ کالج حسن ابدال ءَ 59ھمک سالی مات ءُُ پت آنی گوما نند ءُُ نیاد ءِ روچ ءَ مراگش ءِ ھاسیں مہمان ءَ گوں گشتانک دیان اَت۔ اے موہ ءِ سرءَ گورنر پنجاپ ملک رفیق رجوانہ، وزیر ءِ درئی کار ، خواجہ محمدآصف، وزیر دیمپانی انجینئر خرم دستگیر، بُنجاھی وزیرنیک راھی کار سردار محمد یوسف، سروزیر گلگت بلتستان حافظ حفیظ الرحمن ءُُ ایندگہ ٹوھیں کارندہ ھم ساڑی اتنت۔ مزن وزیر شاہد خاقان عباسی ءَ کیڈٹ کالج حسن ابدال ءَ وانگ ءُُ زانگ ءِ بالاد ءَ را بروبر دارگ ءُُ زانشتی اِزمت آنی پد ءَ فیکلٹی ممبر آنی انڈومنٹ فنڈ آنی تہءَ 2 کروڑ کلدار وھدیکہ فیکلٹی ءُُ سٹاف ءِ واستہ 2 تنخواھ آنی کچ ءَ بونس ءِ ھم جار جت۔ مزن وزیر ءَ گوشت کہ راجی دیمروئی ءَ کیڈٹ کالج حسن ابدال ءِ نودربر آنی ازمت آناں ساڑاھان ءَ گوشت کہ کیڈٹ کالج حسن ابدال ازت ءُُ شرپ ءِ بستار ءَ ٹوھیں درور اِت، ادا وانوکیں نودربر ملک ءِ سیاسی، صنعتی ءَ ھوار ھمک شوبگ ءَ آیوکیں باندات ءِ سروکی پُجارینگ ءَ اِنت، کالج ءَ چہ پارگ بوتگیں نودربر ناں ایوک ءَ پاکستان بلکینگ ءَ سرجمیں دگنیاءَ وتی جوانیں کرد ءَ پیلوکنگ ءَ اَنت۔
