ایبٹ آباد۔ 27 دسمبر (اے پی پی) ڈپٹی سپیکر قومی اسمبلی مرتضیٰ جاوید عباسی ءَ گوشت کہ محمد نواز شریف ءَ ہزارہ ءِ اُلس آناں موٹر وے ءِ ٹیکی دیان ءَ ہزارہ ءِ اُلس آنی دل باج بُرتگ اَنت، ہزارہ ءِ راجدپتر ءِ مرچی یاتگیریں روچ اِت، موٹروے ءِ وڑیں ٹوھیں منصوبگ ءَ چہ ہزارہ ءَ جوڑیشت ءُُ دیمروئی ءِ کشک پچ بنت، مسلم لیگ (ن) ءِ حکومت ءَ ھما کار کتگ ءُُ پش داشتگ اَنت کہ آئی ءِ درور خیبر پختونخوا حکومت ءِ ھیال ءُُ گمان ءِ تہءَ نہ بوتگ۔ چار شمبے ءِ روچ ءَ اھوالکاراں گوں گپ ءُُ تران کنان ءَ آئی ءَ گوشت کہ شاہ مقصود انٹر چینج ءَ چہ برہان ءَ تاں موٹر وے ءِ فیز ون سرجم بوتگ، مزن وزیر ءِ نیمگ ءَ چہ منصوبگ ءِ بنگیج ءَ پد ہزارہ ءِ مردم آناں سفری آسراتی رسیت، مرچیگیں روچ راجدپتر ءَ سک باز یاتگیریں روچ ءِ زانگ بیت۔ آئی ءَ گوشت کہ ہزارہ موٹروے ءَ چہ آیوکیں باھند سیت مند بنت، ایشی ءَ چہ الس ءِ سفری مشکلہ ھلاس بوھگ ءَ ھوار ہزارہ ءَ سیل ءُُ سوادی پڑ ءَ دیمروئی رسیت۔
