اسلام آباد۔ 25 دسمبر (اے پی پی) بانی پاکستان قائد اعظم محمد علی جناح نا یوم ولادت نا وخت آ قائد نا مزار آ گارڈ ز آتا بدلی نا پروقار ءُ دود اس اڈ ہلک ہرانا مہمان خاص کمانڈنٹ پاکستان ملٹری اکیڈمی میجر جنرل نواز ستی ئس۔ مہمان خاص پریڈ نا معائنہ ءِ کرے ، قائد نا مزار آ پھل شاغا و دعا پاتیا کرے داوخت آ او مہمان تا کتاب اٹی تینا تاثر آتے ہم نوشتہ کرے۔ دود اٹی پاکستان ملٹری اکیڈمی کاکول نا کیڈٹ آک گارڈ انا فرض ءِ سنبھالار، داکان مست پاک فضائیہ نا کیڈٹ آک مزار آ گارڈز آتا فرض ءِ سنبھالاسر۔ دود اٹی بڑزکو ملٹری، سول ، سیاسی ، راجی شخصیت و خلقت آتا بھلو کچ اس ساڑی ئسر۔
