اسلام آباد۔ 25 دسمبر (اے پی پی)شش ملکی سپیکرز کانفرنس ءَ پہ اتکگیں اسلامی جمہوریہ ایران ءِ شور ءُُ صلاح ءِ سپیکر ڈاکٹر علی لاریجانی ءَ پارلیمانی ڈلے ھمبراھ سپیکر سردار ایاز صادق ءِ گوما گند ءُُ نند کتگ۔گند ءُُ نند ءِ تہ خطہ ءَ را دیمپان جیڈھ آنی ھوار لہتیں وت مہ وتی دلچسپی ءِ کارآنی سرا ھیال ریچی کنگ بوتگ۔جارچین راجی اسمبلی ءَ ڈاکٹر علی لاریجانی ءِ سپیکر کانفرنس ءَ بھر زورگ ءَ پہ منت گپتگ انت۔اے درگت ءَ دارچین راجی اسمبلی سردار ایاز صادق ءَ گوشت کہ دوئیں اُلس یکجاھیں مذہب،راجدپتر ءُُ دودءُُ ربیدگ ءِ پکہ ءِ سنگتی ءَ بستگ انتءُُ دوئیں ملکانی منزل ،دوست ءُُ دزمن ھم یک انت۔آہاں گوشت کہ پاکستان ءُُ ایران ءِ نیام ءَ نزیکیں سیادی خطہ ءَ امن ،سیکیورٹی ءُُ وشھالی ءِ ھاترا الم انت۔جارچین راجی اسمبلی ءَ گوشت کہ وت مہ وتی نپ ءُُ پائدگ ءِ ھاترا دوئیں ملکانی نیام ءَ چاگردی ءُُ اقتصادی شوبگ آنی تہ کمک ءَ ودکی الم انت۔
