اسلام آباد۔ 22 دسمبر (اے پی پی) پاکستان ءِ جوڑیشتکار قائداعظم محمد علی جناح ءِ پیداک بوھگ ءِ درگت ءَ پی ٹی دی ھاسیں شنگ کاری پیش کنت۔ اے درگت ءَ پی ٹی وی ءَ ’’مئے رھشون‘‘ ءِ بُن گپ ءِ سرءَ 25دسمبر ءَ سرجمیں روچ ءَ ھاسیں شنگ کاری جاڑی کنگ بیت ایشی ءِ تہ ءَ قائداعظم محمد علی جناح ءِ زندمان ءِ رد ءَ مراگش، ھاسیں لیب ءُُ گوازی ءُُ راجی سوت پیش کنگ بیت۔ قائداعظم ءِ سرءَ پیش کتگیں مراگش آنی تہءَ وزیر مینشن ، مارننگ ودجگن، ءَ بنت ، قائداعظم پاکستان، لائک ءِ چارگ ءُُ مارگ تئی شگر ءُُ منت، قائداعظم ءُُ زھگ، لائف آف قائداعظم، من آں قائداعظم ءِ پاکستان، قائد ءِ پاکستان ءُُ ما، ھمک دل گوشیت پاکستان، مشاعرہ یاتگیریں سوت آنی بندات ءَ چہ سر شپ ءَ ھوار اَنت۔ شنگ ءُُ تالانی ءِ ساھت ءَ فریحہ پرویز ءُُ راحت فتح علی خان ءِ توار ءَ راجی سوت ھم چاروک چارت کناں۔ پاکستان ٹیلی ویژن ءِ منیجنگ ڈائریکٹر سردار احمد نواز سکھیر اے شنگ ءُُ تالانی ءِ ھاسیں نگرانی ءَ کنت۔ ایم ڈی ءَ پی ٹی وی ءِ توامیں بُنجاھ آناں پنت ءُُ شون داتگ کہ پی ٹی وی ءِ مراگش آناں گہتر ءَ چہ گہتر کنگ بہ بیت۔ یات دارگ بہ بیت کہ اے راجی چینل ءَ را شرپ رستگ کہ آ ھمک المی ایں موہ ءَ چاروک آنی واھگ آنی درشانی ءَ بکنت۔ ورنا آنی تہ ءَ وطن ءِ جوزگ ءِ دیمروئی، سرڈگار پاک ءِ سیم سر آنی رکھینگ ءُُ روبرکتی روایت آنی دارگ ، اے راجی چینل ءِ مُدام کوشست ءُُ شرپ بوتگ۔
