قائداعظم ئِ پیداک بوھگ ئِ روچ ئَ اے سال ئَ راجی جوش ئُُ جوزگ ئَ برجم دارگ ئِ گامگیج
پی ٹی وی ئُُ ریڈیو پاکستان ئَ ھوار ھال رسانکی در آنی سر ئَ بابائے راج ئِ زندمان ئُُ ازمت آنی بابت ئَ پروموز ئُُ ایندگہ شنگ کاری آنی بابت ئَ بنگیج، کوئز پروگرام، گشتانکی باج برئی ئُُ راجی سوت آنی ھم بندوبست کنگ بوتگ
اسلام آباد ۔ 18 دسمبر (اے پی پی) بابائے قوم قائداعظم محمد علی جناح ئِ ودی بوھگ ئِ درگت ئَ اے سال ئَ راجی جوش ئُُ جوزگ ئِ گوما برجم دارگ ئِ واستہ” مئے راھشون ئُُ من آں رھشون ئِ پاکستان“ ئِ بُن گپ ئَ را راجی جوش ئُُ جوزگ ئِ گوما برجم دارگ بیت، پی ٹی وی ئُُ ریڈیو پاکستان ئَ ھوار ھال رسانکی در بابائے راج ئِ زندمان ئُُ اِزمت آںی بابت ئَ پروموز ئُُ ایندگہ شنگ کاری آنی بندات ئُُ ایشی ئَ ھوار مراگش ئِ بن گپ آناں سہرا کنگ بوھگ ئَ انت۔ بابائے قوم ئِ زندمان ئُُ سیاسی کوشست ئِ بابت ورنا آنی توک ئَ سرپدی پیداک کنگ ئِ واستہ کوئز پروگرام، گشتانکی باج برئی ئُُ راجی سوت ئِ ھم بندوبست کنگ بوھگ ئَ انت۔ یات دارگ بہ بیت کہ وزیر ئِ مملکت اھوالکاری ئُُ شنگ کاری مریم اورنگزب ئِ سروکی ئَ استیں برجم داشتگیں مزن تک ئِ دیوان ئَ آئی ئَ سیادی داروکیں پنت ئُُ شون کتگ کہ رھشون ئِ سالروچ ئِ مراگش اے سال ئَ یاتگیریں رنگ ئِ برجم دارگ ئِ واستہ اِچ موہ یل نہ کناں ۔ ھاسیں رنگ ئَ کانود ئِ سروکی ئُُ جمہوریت ئِ پاگواجئی ئِ بابت ئَ بابا ئے قوم ئِ ٹوھیں لیکہ ئُُ ھیال آناں سہرا کنگ بہ بیت۔ اے موہ ئِ سر ئَ ڈائریکٹوریٹ آف الیکٹرانک میڈیا اینڈ پبلی کیشنز رھشون ئِ زندمان ئِ بابت ئَ بے گواھیں اکس، پینٹنگز ئُُ وش نویسی ئِ گوما سکول ئِ زھگ آنی نیام ئَ وش نوشتی ئُُ گشتانک نویسی ئِ باج برئی ئِ بندوبست کنگ بوھگ ئَ اِنت وھدیکہ پی این سی اے ئُُ لوک مڈی ئَ ھم دود ئُُ ربیدگی رد ئَ چاگرد ئِ جتا جتائیں تبک آنی نیام ئَ ایمنی، وت مہ وتی ۔ یکوئی ئِ دیمروئی ئِ مکسد ئِ گوما اے روچئِ درگت ئَ ھاسیں بندوبست ئُُ پروگرام ئِ بندوبست کتگ۔ وزارت ئِ توامیں سیادی داروکیں محکمہ، سوشل میڈیا ئُُ وتی آفیشل ویب سائٹس ئِ سرئَ قائداعظم ئِ پوسٹروں، دُرئیں دانکئُُ گشتانک ئِ وسیلگ آنی رد ئَ مراگش آنی بُن گپ ئَ سہرا کنگ ئَ اَنت۔ اے توامیں مراگش آنی تہئَ ورنا آنی سر ئَ ھاسیں دلگوشی کنگ بوھگ ئَ اِنت تانکہ دُورگندیں ٹوھیں راھشون ئِ کوھیں سسا آناں نوکیں پدریچ آنی تہ ئَ رسینگ بہ بیت۔
