سینٹ ئِ ہول کمیٹی ئَ را ڈی جی ایم او ئَ پاکستان ئَ را دیم پہ دیمیں بیم آں گوں گر ئُُ چیل بوھگ ئِ ھوالگ ئَ ان کیمرہ بریفنگ دات، اے گپ ئِ سرئَ تپاک کنگ بوت کہ ملک ئُُ راج ئَ را دیم پی دیمیں بیم آناں یکجا ئُُ ھواری ئَ مقابلہ کن آں
ڈائریکٹر جنرل آئی ایس پی آر میجر جنرل آصف غفورئِ میڈیا ئَ گوں تران
اسلام آباد 19 (اے پی پی) پاک فوج ئِ شوبگ (آئی ایس پی آر) ئِ ڈائریکٹر جنرل میجر جنرل آصف غفور ئَ گوشت کہ سینٹ ئِ ہول کمیٹی ئَ را ڈی جی ایم او ئَ پاکستان ئَ را دیم پہ دیمیں بیم آں گوں گر ئُُ چیل بوھگ ئِ ھوالگ ئَ ان کیمرہ بریفنگ دات، اے گپ ئِ سرئَ تپاک کنگ بوت کہ ملک ئُُ راج ئَ را دیم پی دیمیں بیم آناں یکجا ئُُ ھواری ئَ مقابلہ کن آں۔ سئے شمبے ئَ پارلیمنٹ گس ئَ میڈیا ئَ گوں گپ ئُُ تران کنان ئَ ڈی جی آئی ایس پی آر ئَ گوشت کہ 18 ستمبر ئَ پارلیمان ئِ یکجائی کمیٹی برائے دیمپانی ئَ جنرل ہیڈ کوارٹرز ئِ تر ئُُ تاب کتگ بوتگ۔ اے موہ ئِ سرئَ کمیٹی ئِ شور ئُُ سلاھ ئِ سر ئَ آرمی چیف ئَ پارلیمنٹ ئَ را بریفنگ دیگ ئِ پیسلہ کتگ اَت۔ آصف غفور ئَ گوشت کہ ڈی جی ایم او ئَ سینٹ کمیٹی ئَ را پاکستان ئَ را دیم پہ دیمیں بیم ئُُ چیلنجز آں گوں گر ئُُ چیل ئِ ھوالگ ئَ بریفنگ دات ئُُ آیوکیں بانداتئِ بابت ئَ دل یکیمی دات۔ جست ئُُ پسو ئِ سرجمیں سیشن بوت ، اے گپ ئِ سرئَ تپاک کنگ بوت کہ ملک ئُُ راج ئَ گوں دیم پہ دیمیں بیم ئَ گوں یکجا ئُُ یک مُشتی ئَ مقابلہ کن آں۔ آئی ئَ گوشت کہ پاکستان ئُُ پاکستانی راج سک باز مھکم اِنت۔ ڈی جی آئی ایس پی آر ئَ جُستے ئِ پسو ئَ گوشت کہ باز جوانیں جُست بوتگ اَنت ئُُ اے گند ئُُ نند باز شر بوتگ۔
