بیجنگ۔یکم دسمبر(اے پی پی) چین پاکستان ئِ گوما ھاسیں بنیاتی ڈھانچہ ئِ منصوبہ بندات کنگئِ واھشت مند اِنت۔ اے ھیالانی درشانی چینئِ مزن وزیر لی کی چیانگ ئَ روس ءِ شہر سوچی ئَ پاکستانی مزن وزیر شاہد خاقان عباسی ئِ گوما گندءُ نند ئِ وھدئَ کتگ۔ دوھیں رہنما آں آزاد بیپاری زونز ئِ جوڈ کنگئِ ھوالگئَ ھم ھیال ءُ لیکہ ئِ درشانی کتگ۔ جمعہ ئِ روچئَ چینی تاک ” چائنہ ڈیلی “ ئِ رپورٹ ئِ گشگئِ ردئَ مزن وزیر ئَ گشتگ کہ دوھیں ملک آنی گوستگیں چارسالانی تہا سی پیک ئِ جوڈکنگئَ ھوار بازیں پڑآنی تہا گیش کمک ایر اَنت۔ چینی مزن وزیر لی کی چیانگ ئَ جنوبی ایشیا ءملک ئِ شہری ءُ چینی کمپنی ئَ را داتگیں سیکورٹی ئِ سرئَ پاکستانی مزن وزیرئِ شگرءُ منت گپتگ۔ آئی ئَ اُمیت درشان کتگ کہ دوھیں ملک آنی درنیامئَ اقتصادی کمک ئِ گیش کنگئِ ھاترئَ جوانیں ماھول پھجارینگئِ ھاترئَ سیکورٹیئَ را گیش گہتر کنگ بیت۔ لی کی چیانگ ئَ گشتگ کہ چین شنگھائی کمک تنظیم ئِ حکومتی سروکانی دیوان ئِ تہا پاکستانی ئِ باسکیں ملک بوھگئِ ارزشتئَ اولی رندئَ ھوار بوھگئَ وش اَتک کنت۔ آئیئَ گشتگ کہ چین شنگھائی کمک ئِ تنظیم ءُ دمگی کارانی وڈیں پڑآنی تہا کمک ئَ را گیش کنگئِ واھشت مند اِنت۔ مزن وزیر شاہد خاقان عباسی ئَ گشتگ کہ پاکستان چینئِ گوما بازیں پڑآنی تہا بازیں تھک ءُ پھناتاں آنی تہا سرجمیں کمک کنگئِ ھاترئَ ساڑی اِنت۔ آئیئَ گشتگ کہ پاکستان دونیمگی کمک ئِ سرئَ جوڈ بوتگیں منصوبہ آنی پلگارگ ئِ ھاترئَ گامگیج چست کنت۔ چین ئِ قیادت ئِ تہا شنگھائی کمک ئِ تنظیم گیش دیمروئی کنت۔
