سوچی ۔ 2دسمبر (اے پی پی) مزن وزیرشاہد خاقان عباسی شنگھائی کمکی گل ئِ حکومتی سروک آنی دھمی دیوان ئِ بھر زوری ئِ ھاترا دیوان ئِ جاھ ئَ پُج اِت۔ مزن وزیر شاہد خاقان عباسی ئِ پُجگ ئِ پد ئَ میزبانیں ملک ئِ مزن وزیر دمتری میدویدوف ئَ آواناں وش اتک کت۔ پاکستان2005ئَ چہ شنگھائی کمکی گل ئِ گشتانکار بوھگ ئَ پد گوزوکیں سال ئِ جون ئَ گل ئِ پکوئیں باسک جوڑ بوتگ۔ پاکستان ئِ سرجمیں باسک بوھگ ئِ پیسلہ 2015ئَ روس ئِ شہر اوفا ئَ برجم داشتگیں سروکی مملکت ئِ دیوان ئَ کنگ بوت۔ شنگھائی کمک ئِ گل یورپی ئُُ ایشیائی ملک آنی یک زوراکیں گل اِت ایش باسکیں ملک آنی نیام ئَ دمگی، سیاسی، اقتصادی ئُُ دود ئُُ ربیدگی کمک ئِ دیمروئی ئِ ھاترا کار کنت۔

متعلقہ مضامینمصنف کی طرف سے مزید