پاکستان ئُُ روس ئَ 2013ئَ چہ شریکی کار ئِ تہئَ جوانیں ئُُ مھکمیں کامیاتی دزگیر کتگ، پاک روس یکوئی ئِ تہئَ دیمپانی کمک پاکستان ئِ رکھینگ ئَ دُرستاں چہ پیسر بوتگ
اسلام آباد ۔ یکم دسمبر (اے پی پی) دیمپانی وزیر خرم دستگیرخان ئَ گوشت کہ پاکستنا ئُُ روس ئَ 2013ئَ چہ شریک داری کار ئِ تہ ئَ جوانیں ئُُ مھکمیں کامیاتی دزگیر کتگ ئُُ پاک روس یکوئی ئَ دیمپانی کمک پاکستان ئِ رکھینگ ئَ دُرستاں چہ پیسر بوتگ اے گپ آئی ئَ پاک روس حکومتی کمیشن ئِ پنچمی گڈی دیوان ئَ گشتانک دیان ئَ کت۔ دیوان ئِ سروکی ئَ روسی وزیر برائے تجارت ئُُ انڈسٹری ڈینس وی منتوروف ئُُ انجینئر خرم دستگیر خان ئَ یکجائی رنگ ئَ کت۔ پاکستان ئُُ روسی وزیر ئَ یکجائی کمیشن ئِ اولی مراگش ئِ پرٹوکول ئِ منوگری ئِ سرئَ دست چنگل جت ایش پاکستان ئُُ روس ئِ ٹولہ آنی نیام ئَ بازیں کار آنی سر ئَ ٹوھیں سول ئُُ تران آنی اَت۔ ایشی ئِ تہ ئَ توامیں گپ ئُُ تران مان اتنت۔ دست چنگل ئِ مراگش ئَ چہ پد میڈیا ئَ گوں گپ ئُُ تران کنان ئَ آئی ئَ گوشت کہ پاکستانی شریکیں چیئر ئِ نیمگ ئَ چہ جار ھم جنگ بوت کہ شریک آں روس ئِ بازیں ھاٹیگ ئِ کمپنی آنی نیمگ ئَ پاکستان ئَ ھاٹیگ ئِ شوبگ ئَ سرمایہ کاری کنگ ئِ رد ئَ سول ئُُ تران آناں ترند کتگ۔ سول ئُُ تران ئِ تہئَ ایندگر بازیں کار ھوار اتنت ایشانی بالاد ئِ پکوئی کنگ بوت، روس ئَ پاکستانی نودربر آنی کساس ئِ تہئَ گیشی، بینکنگ ئُُ کسٹم ئِ شوبگ ئَ کمک ئُُ ویزہ ئِ آسراتی ھم ھوار اتنت۔ خرم دستگیر ئَ استیں وھد ئَ مزن وزیر ئِ پاک روس یکوئی شریکی کمیشن ئِ شریکیں چیئرمین نامینتگ آ 22باسکی ٹولہ ئِ سروکی ئَ کنگ ئَ انت ایشی ئِ تہ ئَ اقتصادی کار، ٹیکسٹائل انڈسٹری ئُُ وزارت پٹرولیم ، درئی کارانی ئُُ تجارت ئِ ٹوھیں کارندہ ھوار اتنت۔ روسی وزیر ئَ 50باسکی ٹولہئِ ھمبراہ سول ئُُ تران ئِ تہئَ بھر زوری کت۔
