امریکہ ئَ پاکستان ئِ سفیر ئِ امریکی سینیٹر مرکلے جیف ئَ گوں گند ئُُ نند
اسلام آباد ۔ یکم دسمبر (اے پی پی)امریکہ ئَ پاکستان ئِ سفیراعزاز احمدچودھری ئَ گوشت کہ پاکستان اوگانستان ئَ ایمنی ئِ برجائی ئِ واستہ امریکہ ئِ گوما یکجائی ئَ کار کنگ ئِ واھشت مند اِنت۔ اے گپ آئیئَ واشنگٹن ئَ امریکہ سینیٹر مرکلے جیف ئَ گوں گند ئُُ نند ئِ ساھت ئَ کت اَنت´ سینیٹر مرکلے چیف امریکی سینٰٹ ئِ درئی یکوئی ئُُ ھساب ئُُ کتاب ئِ پٹ ئُُ پول ئِ کمیٹی ئِ باسک اِنت۔ گند ئُُ نند ئِ ساھت ئَ پاکستانی سفیر ئَ امریکی سینیٹر ئَ را پاکستان ئُُ امریکہ ئِ نیام ئَ دو نیمگی یکوئی ئِ بابت ئَ سرجمیں چار ئُُ تپاسی چمشانک پیش کت۔ زرّباری ایشیا ئِ واستہ امریہ ئِ نوکیں گامگیج آنی سرئَ پاکستان ئِ مول ئُُ مراد آنی سرئَ چمشانک دیان ئَ اعزاز چودھری ئَ گوشت کہ پاکستان اوگانستان ئَ ایمنی ئِ برجائی ئِ واستہ امریکہ ئِ گوما ھمگامی ئَ کار کنگ ئِ واھشت مند انت چیا کہ اوگانستان ئَ یک شل ئَ ناچاکی، اقتصادی ئُُ سلامتی ئِ شوبگ ئَ پاکستان ئِ کامیاتی آنی واستہ بیم ئِ سبب اَنت۔ آئیئَ گوشت کہ اوگانستان ئَ جوانیں ایمنی ئِ برجائی ئِ واستہ جوانیں سیاسی کار درکار اِنت۔ اے موہ ئِ سرئَ سینیٹر مرکلے جیف ئَ پاکستانی سفیر ئِ بریفنگ آناں ساڑات۔ آئیئَ اے ضلورت ئِ سر ئَ تپاک کت کہ پاکستان ئُُ امریکہ دو نیمگی یکوئی ئِ ودینگ ئُُ اوگانستان ئَ ایمنی ئُُ برجائی ئِ واستہ یکجائی ئَ کار کنگ لوٹ ایت۔
