سوچی ۔30نومبر(اے پی پی) مزن وزیر شاہد خاقان عباسی ءُ چین ءِ مزن وزیر لی کی چیانگ ءَ روس ءِ شہر سوچی ءَ گندءُ نند کتگ۔ اے موھءِ سرءَ شنگھائی کمک تنظیم ءَ ھوار دگہ بازیں فورس آں دونیمگی کمک ءَ را گیش کنگءِ سرءَ تپاک کنگ بوتگ۔ مزن وزیر شاہد خاقان عباسی ءَ چین ءِ کمیونسٹ پارٹی ءِ 19می کانگریس ءِ سوبندی ءِ سرءَ چینی مزن وزیر ءَ را مراد بات داتگءُ چینی مزن وزیر ءَ را پولیٹیکل بیورو ءُ وھدے کہ چین ءِ صدر شی جن پنگ ءِ پارٹی جنرل سیکرٹری گچین بوھگءِ سرءَ مراد بات داتگ۔آئیءَ ون چائنہ پالیسی ءَ ھوار دگہ بازیں کارانی سرءَ چین ءِ حمایت ءُ کمک ءَ را برجم دارگءِ جزمءِ درشانی کتگ۔ چینءِ مزن وزیرءَ دوھیں ملک آنی درنیامءَ سٹرٹیجک کمک ءِ شریداری ءِ تہا گیشی ءُ مھکم ءِ درشانی کتگءُ گشتگ کہ پاکستان ءِ شنگھائی کمک تنظیم ءِ باسکی ءَ چہ خطہ ءِ سلامتی، مھکمی ءُ دیمروئی ءَ کمک رسیت۔ مزن وزیرءَ سیاسی ، اقتصادیءُ دودءُ ربیدگی پڑآنی تہا دونیمگی کمک ءَ را گیش کنگءِ ھاترءَ پاکستانءِ سرجمیں ھمراھ داری ءِ اوست داتگ۔
