اسلام آباد۔ 30نومبر (اے پی پی)پاک فضائیہ ئِ سروک ائیر چیف مارشل سہیل امان ئَ گوشت کہ ایوی ایشن انڈسٹری ملکی معشیت ئَ یک کلیتی کرد ئِ پیلو کنت، پاکستان ئَ اے ترندی ئَ گوں دیم ئَ جنزگ ئَ اِنت، اے رد ئَ سی پیک ئِ منصوبگ ملک ئَ ایوی ایشن انڈسٹری ئَ را دیم ئَ دیمروئی دنت۔ پاک فضائیہ کامرہ ئَ ایوی ایشن سٹی ئِ برجا کنگ ئِ منصوبگ بندی کنگ ئَ اِنت ایش ملکی تک ئَ نوکتریں ٹیکنالوجی ئَ چہ تیار بوتگیں ملکی صنعت ئَ را گیش مھکم کنت ئُُ درملکی ایوی ایشن صنعت ئِ لو ٹ ئَ را سرجم کنت اِنت۔ آ پنچ شمبے ئِ روچ ئَ پاک فضائیہ ئُُ رائل ائیروناٹیکل سوسائٹی ئِ چیر دستی ئَ نور خان آڈیٹوریم ائیر ہیڈ کوارٹرز اسلام آبادئَ ”ایوی ایشن انڈسٹری : آیوکیں باندات ئِ رد ئَ ئُُ ٹیکنالوجی ئِ کارمردی “ئِ بُن گپ ئِ سرئَ سیمینا ر ئَ گوں گشتانک دیان ئَ اَت۔ چیف ایگزیکٹو رائل ائیروناٹیکل سوسائٹی سائمن لکسمورئَ شرپ مندیں گشتانکار ئَ بھر زوری کت۔ ائیر مارشل مجاہد انور خان ، ڈپٹی چیف آف ائیر سٹاف (سپورٹ)ایشکہ چیئر مین رائل ائیروناٹیکل سوسائیٹی اسلام آباد ھم است اِنت آئی ئَ بنگیجی گشتانک ئَ اے سیمینار ئِ توامیں بُنگپ آناں بیان کت۔
