واشنگٹن۔ 22اکتوبر (اے پی پی) اقوام متحدہ نا سیکرٹری جنرل انتونیو گوترس امریکی صدر ڈونلڈ ٹرمپ تون اوڑدہی کرسا جہانی برادری تون کمک نا خواست کرینے۔ جہانی ذرائع ابلاغ نا رداٹ وائٹ ہاؤس اٹی اوڑدہی ٹی اقوام متحدہ نا سیکرٹری جنرل آزادی، جمہوریت و انسانی حق انا روایتی اقدار نا بنداو آ جوڑ مروک آ سوگو امریکہ تون کمک کننگ نا پارینے ۔ اونا پاننگ ئس کہ تالان مروک آ ساڑی آ جہانی حالیت آتون مون تننگ کن اسہ سوگو، اصلاح شدہ و جدید اقوام متحدہ نا گرج ءِ۔ صدر ٹرمپ نا پاننگ ئس کہ اقوام متحدہ ٹی بے کچ لائخی ارے ولے ادارہ ءِ مستین اٹی سہی وڑاٹ کاریم اٹ اتنگ تنے۔
