بوجا۔ 20اکتوبر (اے پی پی) ترکی نا صدر رجب طیب اردوان پارینے کہ دہشت گرد تنظیم بوکوحرام، فیتو وداعش نا نیام اٹ ہچ ءُ پرخ اس اف۔ ترک میڈیا نا رداٹ نائیجیریا نا صدارتی ماڑی ٹی صدر محمد و بخاری تون اوڑدہی آن پد اسیجائی پریس کانفرنس آن تران کرسا ترک صدر پارے کہ نن دہشت گرد تنظیم فیتو نا برخلاف جہد اٹی نائیجیریا تون کمکاری نا اومیت کینہ۔ صدر اردوان پارے کہ ننا نظر اٹ بوکوحرام، فیتو و داعش نا نیام اٹ ہچ ءُ پرخ اس اف۔ اوپارے کہ نائیجیریا نا شونداری ٹی ترک انٹرپرائزر بشخ ہلنگ کن تیار ءِ و ترکی نا کمک و شونداری ایجنسی تیکانائیجریا ٹی دفتر اس ملنگ کن تیار ءِ۔ داوخت آ نائیجیرین ہم منصب پارے کہ او مہمان صدر تون اوڑدہی ٹی دفاع و تعلیم تون اوار ایلو چندی بشخ آتیٹی کمکاری کن تیار ءِ۔