امریکی شہری کیٹلن کولمن ئُُ آئی ئِ ھاندان ئِ دزگیر ی دوئیں ملک آنی نیام ئَ نزیکیں یکوئی ئِ درور اَنت
2013 ئَ پد ناشرکاری اُرش آنی تہ ئَ کمیگ ئِ سبب ئَ پاکستان ئَ در ملکی سرمایہ کار آنی اوست ئِ تہ ئَ گیشی بوتگ
سی پیک ئِ وڑیں آشوبی منصوبگ ئَ چہ جنوبی ئُُ نیامی ایشیا ئِ پڑ ئَ دیمروئی، برجائی ئُُ وشھالی ئِ تہئَ مزنیں گیشی بیت
واشنگٹن ۔ 13 اکتوبر (اے پی پی) بنجاھی وزیر ئِ تہی کار احسن اقبال ئَ یکجائی سیم سر آنی در جنگ ئَ ھوار پڑ ئِ جیڈھ آنی گیواری ئِ ھاترا پاکستان ئُُ امرییکہ ئِ وت مہ وتی یکوئی ئُُ برجائی ئِ سر ئَ زور پر دات۔ واشنگٹن ئِ مڈل ایسٹ انسٹیٹیوٹ ئَ امریکی اسکالرز ئُُ تھنک ٹینکس ئَ گشتانک دیان ئَ بُنجاھی وزیر ئِ تہی کار ئَ گوشت کہ امریکا ئِ انٹیلی جنس شیئرنگ ئِ بنیات ئَ 2012 اوگانستان ئَ آوار جتگیں امریکی شہری کیٹلن کولمن ئُُ آئی ئِ ھاندان ئِ بازیابی ئِ واستہ پاکستان ئِ سیکورٹی فورسز آں کامیاتیں کاروائی ئَ چہ دوئیں ملک آنی نزیکیں یکوئی ئِ درور پیش داشتگ۔ احسن اقبال ئَ بھر زرتگیں مردم آناں پاکستان ئَ بوتگیں سیکورٹی ئِ جاور ھال آنی بابت ئَ بریفنگ ھم دات۔ آئی ئَ 2013ئَ پد پاکستان ئَ بوتگیں ناشرکاری اُرش آنی تہ ئَ گیشی ئِ سر ئَ چمشانک دات ایشی ئَ چہ ملک ئَ سرمایہ کاری ئِ اوست ئِ تہ ئَ گیشی بوتگ۔ بُنجاھی وزیر ئَ گوشت کہ پاکستان ئَ ناشرکاری ئِ ھلاسی ئِ پالیشی بیست ٹِکی نیسنل ایکشن پلان ئِ سر ئَ اِنت ئُُ پڑ ئَ ناشرکاری ئِ ھلاسی ئِ ھوالگ ئَ اے رنگ ئِ کوشست آنی اِچ درور گندگ نہ بیت۔ منصوبگ بندی دیمروئی ئُُ گر ئُُ دار ئِ ”قلمدان“ ھم تہی کارانی وزیر احسن اقبال ئِ کرا اِنتت ئُُ آئی ئَ گوشت کہ آئی ئِ حکومت ئَ گوستگیں چار سال آنی ساھت ئَ بنیاتی کوکا ئِ دیمرﺅی ئُُ اقتصادی گر ئُُ دار ئِ پرگرام ئَ چہ ملکی معشیت ئَ را مزنیں دیمروئی داتگ۔ آئی ئَ گوشت کہ اقتصادی راہداری منصوبگ (سی پیک) ئَ را آشوبی منصوبگ نامینتگ ئُُ گوشتگ کہ ایشی ئَ چہ زرّ باری ئُُ نیامی ایشیا ئِ پڑ ئَ دیمروئی ئُُ برجائی ئُُ وشھالی ئِ تہ ئَ مزنیں گیشی یے بیت۔
