صدر مملکت ممنون حسین ئِ ملائشیا ئِ نامینتگیں ہائی کمشنز نفیس زکریا ئُُ سویڈن ئِ واستہ نامینتگیں سفیر احمد حسین دایو ئَ گوں گپ ئُُ تران

اسلام آباد۔ 10 اکتوبر (اے پی پی) صدر مملکت ممنون حسین ئَ گوشت کہ پاکستان ئُُ ملائشیا ئُُ سویڈن ئِ گوما وتی یکوئی آناں سک باز ارزشت دنت ئُُ دوئیں نزیکیں دوستیں ملک اَنت تجارتی یکوئی ئَ ابید اُلسی ئُُ دود ئُُ ربیدگی یکوئی ئِ تہئَ گیشی ئِ واھشت مند اِنت۔ آئیئَ اے گپ ملائشیا ئِ واستہ نامینتگیں ہائی کمشنر نفیس زکریا ئُُ سویڈن ئِ واستہ نامینتگیں سفیر احمد حسین دایو ئَ گوں گپ ئِ تران ئِ ساھت ئَ کت اَنت ایشی ئَ سئے شمبے روچ ئَ ایوان ئِ صدر ئَ آئیئَ گند ئُُ نند کت۔ صدر ئِ مملکت ئَ ملائشیا ئِ واستہ پاکستان ئِ نامینتگیں ہائی کمشنر نفیس زکریا ئَ گوں گپ ئُُ تران کنان ئَ گوشت کہ ملائشیا پاکستان ئِ نزیک تریں براتیں ملک ئُُ ”آسیان“ ئِ جوانیں باسک اِت، آئیئِ گوما زندمان ئِ بازیں شوبگ آنی تہ ئَ گیشی ئِ ضلورت اِنت۔ صدر ئِ مملکت ئَ نامینتگیں سفیر ئَ را پنت ئُُ شون کت کہ آ پاکستان ئُُ ملائشیا ئِ نیام ئَ تجارتی پڑ ئَ گہتر ئُُ جوانترجوڑ کنگ ئَ ھاسیں دلگوشی بد ینت ئُُ ماھیگ، گوشت ئُُ ایندگہ چیز آنی برئگ ئِ تہ ئَ گیشی ئُُ اے شوبگ آنی تہ ئَ پاکستان ئَ ملائشیا ئِ سرکاری ئُُ جندی سرمایہ کاری ئَ ابید یکجائی منصوبگ آنی بندات کنگ دلگوشی بدینت۔